Andin Hoti deklaroi se, nëse hetohet neglizhencë institucionale lidhur me vrasjen e Arlinda Zekajt, askush nuk do të përjashtohet nga përgjegjësia.
Ministria e Punës, Familjes dhe Vlerave të Luftës Çlirimtare, të cilën ai e drejton, ka përgjegjësi edhe për Qendrat për Punë Sociale në Kosovë. Hoti tha se institucionet do të ndërmarrin masat e nevojshme, në pajtim me legjislacionin në fuqi.
None found
Gjatë një tryeze të organizuar nga Forumi Ekonomik i Grave, ministri nënvizoi se rasti duhet të shqyrtohet hollësisht dhe se çdo përgjegjësi e mundshme do të trajtohet sipas ligjit.
“Për atë familje, ju siguroj se do të veprojmë pa kursyer asgjë dhe askënd, brenda kompetencave të institucionit që drejtoj dhe në përputhje me legjislacionin në fuqi. Jam i bindur se edhe Qeveria e Kosovës po merr masa, siç e dini nga diskutimet publike. Po hartohen raporte dhe po hetohet rasti, sepse, pavarësisht dhimbjes, duhet ta shqyrtojmë atë në çdo hollësi. Jam i bindur se çdo hallkë zinxhirësh dhe çdo neglizhencë apo përfshirje e qëllimshme do të trajtohet nga institucionet, konform ligjit në fuqi”, tha Hoti.
Ndërkaq, ministrja e Drejtësisë, Donika Gërvalla, dhe ministri i Punëve të Brendshme, Xhelal Sveçla, kanë afat deri të enjten në orën 18:00 për t’ia dorëzuar raportin kryeministrit Albin Kurti. Raporti është kërkuar për të sqaruar se ku ndodhi dështimi institucional në rastin e vrasjes së Arlinda Zekajt.
Hyundai ka konfirmuar se aktualisht nuk ka plane për ta kthyer konceptin sportiv N Vision 74 në një model serik,…
Ish-kryetari i Kuvendit të Kosovës, Jakup Krasniqi, është kthyer në Hagë pas vizitës në Kosovë, e cila ishte autorizuar për…
Policia ka zbardhur vjedhjen e një banese në lagjen nr. 4 në Durrës, ku janë marrë shuma të konsiderueshme parash…
Zgjerimi i bashkëpunimit ndërmjet Shqipërisë dhe Kosovës në fushën e shëndetësisë, forcimi i kapaciteteve spitalore dhe garantimi i aksesit në…
Një valë zgjedhjesh në disa prej vendeve më të rëndësishme të Evropës gjatë 13 muajve të ardhshëm mund të ndryshojë…
Belgjika pritet të përballet me paralizim të transportit ajror dhe atij publik më 23 nëntor, për shkak të një proteste…