Categories: kosovë

Haxhiu: Sejdiu mund të rikthehet në garën presidenciale nëse 6 deputetë të LDK-së premtojnë se do të qëndrojnë në sallë

Ushtruesja e detyrës së presidentes së Kosovës, Albulena Haxhiu, ka deklaruar se Bekim Sejdiu mund të rikthehet si kandidat për president nëse gjashtë deputetët e LDK-së, të cilët nuk e kanë mbështetur kandidaturën e tij, japin garanci se do të jenë të pranishëm në sallën e Kuvendit gjatë votimit, raporton Ekonomia Online.

Të lidhura

None found

Sipas Haxhiut, tërheqja e Sejdiut nga gara erdhi si pasojë e mungesës së mbështetjes nga këta deputetë. Ajo ka sqaruar se marrëveshja ndërmjet Vetëvendosjes dhe LDK-së për kandidaturën e tij vazhdon të jetë në fuqi.

“Kandidati për president është zoti Bekim Sejdiu. Ai u tërhoq nga gara për shkak se nuk e kishte mbështetjen e gjashtë deputetëve të LDK-së, të cilët nuk e përkrahën. Ne nuk jemi tërhequr nga marrëveshja. Jam e bindur se, nëse do të ketë një deklarim se ata do të qëndrojnë në sallë, zoti Sejdiu do të rikthehet. Ai u tërhoq sepse nuk i kishte votat”, ka thënë ajo.

Ajo ka shtuar se rikandidimi i Sejdiut mund të bëhet realitet në rast se sigurohen votat e domosdoshme në Kuvend, duke vënë në pah edhe cilësitë e tij profesionale dhe morale.

“Mendoj se, nëse ka garanci se janë 2/3-at në Kuvend, atëherë ai do të rikthehet. E kam vlerësuar faktin që ai pranoi të jetë kandidat i përbashkët i Vetëvendosjes dhe LDK-së, ndërsa çmoj integritetin e tij të lartë profesional dhe moral. Zoti Sejdiu ka shërbyer me dinjitet kudo ku ka qenë, ndaj kam konsideruar se një figurë e tillë është e përshtatshme për postin e presidentit”, është shprehur Haxhiu.

Sa i përket përpjekjeve për zgjidhjen e krizës politike, Haxhiu ka bërë të ditur se negociatat po udhëhiqen nga kryeministri në detyrë dhe kryetari i Vetëvendosjes, Albin Kurti. Ajo u ka bërë thirrje partive politike që të tregohen serioze dhe konstruktive.

“Negociatat i drejton kryeministri Kurti, njëherësh kryetari i Vetëvendosjes, dhe nga këto takime mund të dalin çështje me rëndësi për të çuar përpara proceset dhe për të shmangur dërgimin e vendit në zgjedhje të parakohshme. Besoni se gabimi më i madh që mund të bëjmë tani, veçanërisht pas vendimit të Hagës, do të ishte ta çonim vendin në zgjedhje të parakohshme. Prandaj u bëj thirrje partive politike për seriozitet dhe konstruktivitet”, ka deklaruar ajo.

të fundit

Kërçeli rejects claim over “€1 billion”: €6.5 million worth of energy was imported from Serbia

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

1 hour ago

Kërçeli kundërshton pretendimin për “1 miliardin”: Nga Serbia u importuan 6.5 milionë euro energji

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

1 hour ago

Jensen Huang’s resignation rocks Nvidia: Espionage suspicions expose bigger issues

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

3 hours ago

Dorëheqja e Jensen Huang trondit Nvidia-n: dyshimet për spiunazh zbulojnë çështje më të mëdha

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

3 hours ago

Liga e Kombeve ka shtatë çerekfinalistë, Danimarka dhe Norvegjia vendosin biletën e fundit

Shtatë nga tetë çerekfinalistët e Ligës së Kombeve për edicionin 2026/27 tashmë janë përcaktuar. Pas ndeshjeve të së hënës, Gjermania…

3 hours ago

36-year-old firefighter dies after falling from a cliff while hiking in Missouri

Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…

3 hours ago