Ushtruesja e detyrës së presidentes, Albulena Haxhiu, ka deklaruar se Bekim Sejdiu mund të rikthehet si kandidat për president të Kosovës, nëse gjashtë deputetët e LDK-së që nuk e mbështetën kandidaturën e tij zotohen se do të qëndrojnë në sallën e Kuvendit gjatë votimit, raporton Ekonomia Online.
None found
Sipas Haxhiut, Sejdiu u tërhoq nga gara për shkak se nuk kishte përkrahjen e nevojshme nga këta deputetë. Ajo theksoi se marrëveshja ndërmjet Vetëvendosjes dhe LDK-së për kandidaturën e tij vazhdon të jetë në fuqi.
“Kandidati për president është zoti Bekim Sejdiu. Ai u largua nga gara pasi nuk e pati mbështetjen e gjashtë deputetëve të LDK-së. Ne nuk jemi tërhequr nga marrëveshja. Jam e bindur se, nëse ata deklarojnë se do të qëndrojnë në sallë, zoti Sejdiu do të rikthehet. Ai u tërhoq sepse nuk i kishte votat”, ka thënë Haxhiu.
Ajo ka vlerësuar se rikandidimi i Sejdiut do të bëhej i mundur në rast se sigurohet mbështetja e kërkuar në Kuvend, ndërsa ka veçuar edhe figurën e tij profesionale dhe morale.
“Besoj se nëse ekziston garancia se në Kuvend janë dy të tretat e nevojshme, ai do të rikthehet. E kam vlerësuar faktin që pranoi të jetë kandidat i përbashkët i Vetëvendosjes dhe LDK-së. Po ashtu, çmoj integritetin e tij të lartë profesional dhe moral, pasi zoti Sejdiu ka shërbyer me dinjitet në çdo detyrë që ka mbajtur. Për këtë arsye kam konsideruar se një figurë e tillë i përshtatet pozitës së presidentit”, është shprehur ajo.
Haxhiu ka bërë të ditur se negociatat për tejkalimin e krizës politike po udhëhiqen nga kryeministri në detyrë dhe kryetari i Vetëvendosjes, Albin Kurti. Ajo u ka kërkuar partive politike që të tregojnë seriozitet dhe konstruktivitet.
“Negociatat i drejton kryeministri Kurti, njëkohësisht kryetari i Vetëvendosjes, dhe nga këto takime mund të dalin çështje të rëndësishme për avancimin e situatës dhe shmangien e zgjedhjeve të parakohshme. Pas vendimit të Hagës, gabimi më i madh që mund të bëhej tani do të ishte dërgimi i vendit në zgjedhje të parakohshme. Prandaj, u bëj thirrje partive politike të kenë një qasje serioze dhe konstruktive”, ka deklaruar Haxhiu.
Ish-futbollisti uellsian, James Collins, do ta provojë veten në boks. Kjo vazhdon trendin e ish-futbollistëve që hyjnë në ring, pasi…
Kryeministri i Republikës së Kosovës, Albin Kurti, mori pjesë në ditën e dytë të konferencës ndërkombëtare me temë “Partneritet për…
Detaje të reja janë zbardhur nga kontrollet e SPAK në banesën e biznesmenit izraelit Ron Yeffet, në Tiranë. Gazetarja Klodiana…
Pentobarbitali është një ilaç me veprim të shpejtë, i cili në të kaluarën është përdorur kryesisht në anestezi, ndërsa sot…
Deputeti i PD-së, Klevis Balliu, ka reaguar pas kontrolleve të SPAK në vilën e biznesmenit izraelito-amerikan Ron Yeffet, të kryera…
Policia e Shtetit ka dalë me një njoftim zyrtar sa i përket të shtënave me armë të ndodhura mbrëmjen e…