Komunat e Kosovës do të protestojnë nesër, më 1 shtator, në Prishtinë, me kërkesën që t’u respektohen kompetencat dhe të drejtat e garantuara me ligj. Njoftimin e ka bërë kryetari i Komunës së Gjakovës, Ardian Gjini.
None found
Sipas Gjinit, niveli qendror po ua vështirëson komunave ushtrimin e përgjegjësive të tyre. Ai e ka përshkruar këtë veprim si të kundërligjshëm dhe të nxitur nga motive politike.
Mes problemeve të përmendura nga Gjini janë reduktimi i buxheteve, mospërfshirja e mbi 3,100 mësimdhënësve në planifikimet financiare, mungesa e kompensimit për dëmet e shkaktuara nga fatkeqësitë natyrore, përqendrimi i inspektorateve në nivel qendror dhe vendosja e kufizimeve mbi pronat komunale.
“Dobësimi i komunës sjell humbjen e shërbimeve që qytetarët i marrin përditë, ndërsa heqja e kompetencave cenon demokracinë lokale”, ka deklaruar Gjini.
Ai u ka bërë thirrje qytetarëve të marrin pjesë në protestë, duke nënvizuar se kjo nuk është një çështje që lidhet vetëm me kryetarët dhe administratat e komunave, pasi ndikon drejtpërdrejt te publiku dhe te shërbimet që i ofrohen atij.
Protesta është caktuar të zhvillohet nesër, më 1 shtator, duke nisur nga ora 11:00, në Sheshin “Skënderbeu” në Prishtinë.
Eliezer “Eli” Dasa ka vlerësuar forcën e përfaqësueses së Kosovës dhe atmosferën që e pret skuadrën e tij në stadiumin…
Kryeministri i RMV-së, Hristijan Mickoski sqaroi se zgjidhja e propozuar për dhënien e provimit të jurisprudencës parashikon dy pjesë, ku…
Pas disa ditësh pasigurie dhe shqetësimi për fatin e saj, Anxhela Shurdha është rikthyer në Shqipëri dhe tashmë ndodhet pranë…
Mesfushori anësor i Amedspor, Ermal Krasniqi, është liruar nga grumbullimi i Kombëtares së Kosovës për shkak të lëndimit. Pas ekzaminimeve…
Një koalicion organizatash jofitimprurëse ngriti një padi kundër pesë kompanive kryesore të inteligjencës artificiale të enjten, duke kërkuar të ndalojë…
Mund të keni vështirësi të gjeni terapistin e duhur ose të keni nevojë për ndihmë më shpejt sesa mund të…