Garda Ajrore e Iowa-s dhe FSK-ja rrisin bashkërendimin përmes ushtrimit të përbashkët

Në kuadër të ushtrimit “Sentinel Sica”, një delegacion i lartë nga Garda Kombëtare Ajrore e Iowa-s ka qëndruar në Kosovë, ku është takuar me pjesëtarë të Forcës së Sigurisë së Kosovës, si edhe me personel ushtarak amerikan të përfshirë në stërvitjet e përbashkëta.

Më 10 qershor 2026, Brigadier Gjenerali Mark Muckey, zëvendës gjeneral adjutant i Gardës Kombëtare Ajrore të Iowa-s, bashkë me Shefen e Komandës Sgt. Sara Orwig dhe Shefin e Komandës Rreshter Jason Lehmann, ndoqën nga afër veprimtaritë e Skuadronit të Komunikimit të Krahut 132d gjatë zhvillimit të ushtrimit.

Gjatë vizitës në Kosovë, përfaqësuesit amerikanë zhvilluan gjithashtu takime me drejtues të Forcës së Sigurisë së Kosovës, ku në fokus ishte bashkëpunimi i vazhdueshëm në kuadër të Programit të Partneritetit Shtetëror mes Iowa-s dhe Kosovës.

“Sentinel Sica” synon të rrisë ndërveprueshmërinë, të mundësojë shkëmbimin e përvojave profesionale dhe të avancojë kapacitetet e komunikimit ndërmjet forcave partnere, duke pasqyruar marrëdhënien e ngushtë dhe afatgjatë mes Kosovës dhe shtetit amerikan të Iowa-s.

Sipas organizatorëve, ky aktivitet është një tjetër dëshmi e përkushtimit të përbashkët për shtimin e gatishmërisë operacionale dhe thellimin e bashkëpunimit në fushën e sigurisë dhe mbrojtjes.