Categories: kosovë

Bajrami: Prej vitit 2021 nuk është ndërtuar asnjë kapacitet i ri gjenerues në energji

Deputetja e LDK-së, Hykmete Bajrami, ka akuzuar Qeverinë për mungesë investimesh në sektorin energjetik. Ajo ka kërkuar të dihet se çfarë është bërë që nga viti 2021 dhe sa kapacitete të reja gjeneruese janë ndërtuar gjatë kësaj periudhe.

Bajrami ka rikthyer në vëmendje një shkrim të saj të publikuar më 8 dhjetor 2022, në të cilin kundërshtonte zgjatjen e masave emergjente për furnizimin me energji elektrike, mungesën e marrëveshjeve afatgjata dhe dështimin për të investuar në këtë sektor.

Të lidhura

None found

Sipas saj, edhe pse tashmë është miratuar Strategjia e Energjisë, zbatimi i saj mungon. Deputetja vlerëson se masat emergjente duhet të kenë si objektiv kryesor ndërtimin e kapaciteteve të reja gjeneruese.

Ky është postimi i plotë:

Çfarë ka ndryshuar në sektorin e energjisë prej vitit 2021 dhe sa kapacitete gjeneruese janë ndërtuar gjatë kësaj kohe?

E vetmja gjë që kujtojmë janë “masat emergjente për furnizim me energji elektrike”. Për këtë arsye, po rikthej një tekst timin të publikuar në Facebook më 8 dhjetor 2022, i cili, fatkeqësisht, mbetet aktual edhe sot.

8.12.2022

Më 8 dhjetor 2022, për herë të gjashtë, mazhoranca në Kuvend votoi, me propozim të Qeverisë, “masat emergjente për furnizim me energji elektrike”.

Qeveria nuk ka raportuar asnjëherë në Kuvend se për çfarë përdoren këto masa:

• Për blerjen e energjisë elektrike, duke mos respektuar rregullat e Ligjit të prokurimit?

• Për angazhimin e kompanive për investime apo remont në KEK, duke shmangur të gjitha procedurat e prokurimit?

• Për të legjitimuar reduktimet, apo për ndonjë qëllim tjetër?

Qeveria i shpalli për herë të parë “masat emergjente për furnizim me energji” më 21.12.2021. Më 08.12.2022, vendi vazhdonte të qeverisej përmes masave emergjente.

• Nuk kishte asnjë kontratë afatgjatë në sektorin e energjisë.

• Remontet kishin dështuar, ndërsa kontratat ishin shumëfish më të shtrenjta.

• Strategjia e energjisë mungonte.

• Nuk ishte bërë asnjë investim në sektorin e energjisë.

Sot ekziston Strategjia e Energjisë, por ajo nuk po zbatohet.

Masat emergjente duhet të përqendroheshin në një pikë të vetme: ndërtimin urgjent të kapaciteteve gjeneruese. Jemi vonë, por nëse nuk nisim kurrë, kriza do të vazhdojë të thellohet.

të fundit

Carvajal shpjegon pse u largua nga Real Madridi

Lojtari i ri i Getafes, Dani Carvajal, ka folur hapur rreth largimit të tij nga Real Madridi verën e këtij…

2 minutes ago

Shpërdorim detyre/ Fredi Kokoneshi dënohet me 1 vit burg dhe 3 vite ndalim të funksioneve publike, shpallen fajtorë edhe tre të tjerë

Ish- kreu i Bashkisë së Divjakës, Fredi Kokoneshi, është dënuar me 1 vit burgim për veprën penale të “Shpërdorimit të…

3 minutes ago

Gosnell: Thaçi dhe Smakaj biseduan për dëshmitarin Bislim Zyrapi

Gjyqtari Christopher Gosnell tha se Hashim Thaçi dhe Bashkim Smakaj akuzohen për tentativë të pengimit të personave zyrtarë në kryerjen…

5 minutes ago

Gjyqtari Gosnell: Kontakti me Rrustem Mustafën përbën tentativë për pengim të drejtësisë

Gjyqtari Christopher Gosnell tha se në rastin e Hashim Thaçit dhe Fadil Fazliut bëhet fjalë për tentativë të pengimit të…

5 minutes ago

Papa Leo XIII nuk parashikon ndryshime të afërta për priftërinjtë e martuar

Papa Leo XIII ka deklaruar se nuk ka plane të menjëhershme për të ndryshuar doktrinën e Kishës Katolike në lidhje…

13 minutes ago

Skandali financiar në Paraguai: Ish-presidenti kalon nga qelia luksoze në burgun ushtarak

Ish-presidenti i Paraguait, Santiago Pena, pritet të transferohet në një burg ushtarak, ku do të qëndrojë në pritje të procesit…

14 minutes ago