Kosova ka arritur një rezultat të rëndësishëm në fushën e inovacionit kundër korrupsionit, pasi projekti i Agjencisë për Parandalimin e Korrupsionit (APK), “Shkolla për Integritet dhe Parandalim të Korrupsionit: Fuqizimi i të Rinjve për të Ndërtuar një Kulturë të Integritetit”, është vlerësuar si një nga pesë nismat më novatore në Evropë dhe është renditur i dyti pas votimit të institucioneve pjesëmarrëse të rrjetit.
None found
Lajmi u bë publik sot, në përfundim të vlerësimeve të zhvilluara gjatë Konferencës së 25-të Vjetore Profesionale dhe Asamblesë së Përgjithshme të Rrjetit Evropian kundër Korrupsionit (EPAC) dhe Rrjetit Evropian të Pikave të Kontaktit kundër Korrupsionit (EACN). Aktiviteti u mbajt nga 5 deri më 7 tetor 2026 në Budva të Malit të Zi.
Agjencia për Parandalimin e Korrupsionit mori pjesë në konferencë përmes një delegacioni të drejtuar nga Drejtori Yll Buleshkaj, ku ishte edhe Udhëheqësi i Divizionit për Sinjalizim, Milot Shala.
Konferenca bashkoi autoritete kundër korrupsionit, struktura të mbikëqyrjes së policisë, institucione të Bashkimit Evropian dhe organizata ndërkombëtare. Diskutimet u përqendruan te mbrojtja e interesave financiare të BE-së, Inteligjenca Artificiale dhe mekanizmat për mbrojtjen e sinjalizuesve.
Sipas APK-së, iniciativa e saj, e zbatuar në bashkëpunim me D+, u përzgjodh mes pesë projekteve më inovative nga 114 institucione evropiane. Pas votimit të institucioneve pjesëmarrëse në rrjet, projekti mori vendin e dytë.
“Ky sukses i jashtëzakonshëm për Kosovën në inovacionin anti-korrupsion është arritur pasi nisma e APK-së, “Shkolla për Integritet dhe Parandalim të Korrupsionit: Fuqizimi i të Rinjve për të Ndërtuar një Kulturë të Integritetit”, e zbatuar në bashkëpunim me D+, u zgjodh në mesin e 5 projekteve më inovative nga 114 institucione në Evropë. Pas procesit të votimit, projekti u kurorëzua në vendin e dytë nga institucionet pjesëmarrëse të rrjetit”, thuhet në njoftimin e APK-së.
Gjatë mbledhjes së Asamblesë së Përgjithshme u miratua edhe Deklarata e Budvës. Dokumenti vë në dukje nevojën për bashkëpunim konkret në luftën kundër korrupsionit dhe shpreh shqetësim për përpjekjet në disa vende për të kufizuar pavarësinë e institucioneve që merren me parandalimin e korrupsionit. Në deklaratë theksohet gjithashtu domosdoshmëria e ruajtjes së autonomisë operacionale të këtyre institucioneve dhe e mbrojtjes së sinjalizuesve.
APK-ja deklaroi se përmes kësaj nisme, me të cilën Kosova u rendit e dyta në Evropë, konfirmohet rëndësia e edukimit të të rinjve si një prej shtyllave kryesore për parandalimin e korrupsionit dhe krijimin e një kulture integriteti në shoqëri.
Kosova rrezikon të përballet me ndërprerje të energjisë elektrike edhe këtë dimër. Prodhimi vendor nuk mjafton për ta mbuluar kërkesën,…
Në kuadër të Ditës së Alfabetit, Presidenti i Republikës, Bajram Begaj, zhvilloi një bashkëbisedim me të rinj nga treva të…
Qytetarët mund të regjistrojnë fletobligacione nga emetimi i katërt deri më 1 dhjetor, në filialet dhe ekspoziturat e bankave afariste…
Në përfundim të Asamblesë së PS në Tiranë, kryeministri teksa ka dalë nga ambientet e Akademisë së Arteve është pritur…
Nesër regjim i posaçëm i komunikacionit në Strugë dhe Ohër, bllokime nga ora 06:00 deri në 17:00.SPB Ohër njofton se…
Nga fillimi i dhjetorit, sistemi i sofistikuar i videokontrollit „Qyteti i Sigurt“ (Safe City) zyrtarisht do të ketë një funksion…