Albin Kurti “sulmon” kushtetuesen, reagon Ambasada Gjermane

Ambasada Gjermane në Prishtinë, ka reaguar publikisht pas kritikave që Kryeministri Albin Kurti dhe nënkryetari i LVV-së, Glauk Konjufca, i kanë bërë Gjykatës Kushtetuese.

Ambasada Gjermane ka deklaruar për mediat se thekson pavarësinë gjyqësore si një gur themeli i sundimit të ligjit.

“Ambasada Gjermane në Prishtinë thekson rëndësinë e pavarësisë gjyqësore si një gur themeli i sundimit të ligjit. Ne u bëjmë thirrje të gjithë aktorëve politikë dhe institucioneve në Kosovë që të respektojnë pavarësinë e Gjykatës Kushtetuese dhe të gjithë gjyqësorit dhe të përmbahen nga çdo ndërhyrje, përfshirë sulmet personale”, deklaron ambasada.

Ky vendim vjen dy ditë pasi Kurti, kritikoi Kushtetuesen për vendimet që i ka marrë gjatë mandatit të tij qeverisës, dhe ato të muajve të fundit lidhur me konstituim të Kuvendit dhe një ditë pas reagimit të gjykatës kushtetuese. Nga ana tjetër vet gjykata ka shprehur pakënaqësitë dhe shqetësimin ndaj deklaratave të pamatura të zyrtarëve të lartë shtetëror.

Kushtetuesja reragoi edhe zyrtarisht duke thënë “Çdo përpjekje për të ushtruar presion mbi gjyqtarët kushtetues përbën cenim të parimit themelor të ndarjes së pushteteve dhe minon besimin e qytetarëve në sundimin e ligjit dhe në vetë demokracinë”