Kryeministri i Mbretërisë së Bashkuar, Keir Starmer, i ka bërë thirrje Donald Trump-it që të tërhiqet nga veprimet ushtarake kundër Iranit.
Kryeministri tha se ekziston një “rrezik real për përshkallëzim” të konfliktit dhe u bëri thirrje të gjitha palëve që të ndjekin një zgjidhje diplomatike.
Ai shtoi se “kanë pasur disa raunde bisedimesh me SHBA-në” dhe “për mua, kjo është mënyra për ta zgjidhur këtë çështje”.
Këto komente vijnë ndërsa Sekretari i Jashtëm britanik, David Lammy, po shkon në Uashington për të përcjellë thirrjen e Mbretërisë së Bashkuar për de-përshkallëzim, ku do të takohet me kryediplomatin e Trump-it, Marco Rubio.
Lammy dhe Sekretari Amerikan i Shtetit, Rubio, do të diskutojnë situatën në Lindjen e Mesme të enjten në mbrëmje.
