Zjarret në Dibër vijojnë të paraqesin rrezik, veçanërisht në bjeshkën pranë fshatit Sllatinë, ku një sipërfaqe e dendur me pisha dhe dëllinja është përfshirë nga flakët.
Era e fortë dhe temperaturat e larta po favorizojnë përhapjen e zjarrit, duke vështirësuar ndjeshëm ndërhyrjen për shuarjen e tij. Në terren janë angazhuar dhjetëra forca, të cilat po punojnë nga toka për të izoluar vatrat.
Të lidhura
None found
Operacioni po zhvillohet nga specialistët zjarrfikës të Bashkisë Dibër, të mbështetur edhe nga banorë të zonës që po kontribuojnë vullnetarisht.
Problematike paraqitet situata edhe në Qafë Helmes, pranë Selishtës, si dhe në Vajkal të Bulqizës.
Prej dy ditësh, një helikopter po ndërhyn në Vajkal me qëllim parandalimin e zgjerimit të vatrës dhe mbrojtjen e banesave nga rreziku i flakëve.
