Kruja vijon të skuqet, sa raste të reja u shënuan në orët e fundit

Kruja vijon të mbetet një nga qytetet më të infektuara teksa çdo ditë zbulohen vatra të reja të koronavirusit.

Në 24 orët e fundit janë bërë 28 testime, nga të cilat 4 rezultuan pozitive. Një shifër kjo më e ulët në krahasim me një ditë më parë ku u identifikuan 9 raste të reja.

Mësohet e 4 rastet e sotme janë persona kontakti me rastet e mëparshme, megjithatë pritet përditësimi i ministrisë për konfirmimin e rasteve.