Një ngjarje e rëndë ka ndodhur në Greqi ku një vajzë e re ka rënë pre e përdhunimit nga dy shtetas të huaj.
Një 20-vjeçare greke në gjendje të rënduar psikologjike ka pranuar se është përdhunuar nga dy burra me origjinë pakistaneze.
Ngjarja e rëndë raportohet të ketë ndodhur në Selanik, ndërsa mediat greke kanë zbardhur edhe dëshminë e saj.
Dëshmia:
“Ata ndaluan një makinë pranë meje dhe më kapën me forcë. Më futën në makinë dhe më çuan në shtëpinë e tyre. Të dy më përdhunuan atje dhe më pas më lanë të shkoj”, mësohet të ketë rrëfyer e reja.
Vajza fatkeqe sapo u largua nga shtëpia e pakistanezëve, njoftoi policinë për ngjarjen dhe sipas raportit mjeko-ligjor mbi përdhunimin konfirmohet deklarata e saj.
Por pas këtij momenti policia veproi për arrestimin e dy pakistanezëve, të cilët para uniformave blu mohuan aktin.
“Është bërë me pëlqimin e saj. Ne nuk e përdhunuam atë”, pretenduan dy autorët pakistanezë në dëshminë e tyre.
Dy autorët pritet të dalin para Gjykatës për masën e sigurisë.
