Ylli i Sevillas habit me vendimin, “sfidon” Koronavirusin (FOTO LAJM)

Koronavirsi ka alarmuar të gjithë autoritet tashmë prej 2 muajsh në shtetin e Kinës ku si pasojë më shumë se 1000 persona kanë humbur jetën.

Miliona njerëz janë larguar nga Wuhan qyteti ku ka edhe epiqendrën kjo sëmundje vdekjeprurëse. Mes tyre edhe shumica e futbollistëve po kërkojnë të largohen nga Azia për shkak të frikës nga përhapja me shpejtësi e Koronavirusit. Tërësisht e kundërta ka ndodhur me mbrojtësin portugez Daniel Carrico.

Ky i fundit, pas 6 sezonesh e gjysmë me fanellën e Sevillas, ku arriti të fitojë edhe tre herë Europa Leaguen, vendosi të bëjë të kundërtën e kolegëve të tij, pasi firmosi me skuadrën e Wuhan Zall, ku do të luajë në sezonin që pritet të nisë së shpejti në Kinë.

Mbrojtësi 31-vjeçar sfidon kështu Coronavirusin, duke shkuar të luajë pikërisht në qytetin ku edhe është origjina e virusit vdekjeprurës, që po përhapet me shpejtësi në Kinë dhe në shtete të tjera të botës. Ky vendim i Carricos ka bërë bujë në të gjitha mediat sportive në shtetin aziatik pasi duket paradoksal me qasjen e të gjithë pjesës tjetër të njerëzve.