Rekord tifozësh në derbin Tirana-Partizani, ja sa bileta janë shitur deri më tani

Interesimi për biletat në përballjen mes Tiranës dhe Partizanit vazhdon të mbetet i lartë.

Derbi i parë vendosi edhe një rekord për një përballje në futbollin shqiptar, pasi ishin në stadium rreth 19.500 tifozë.

Megjithatë ky rekord do të thyhet, në përballjen e nesërme dhe sërish mes këtyre dy skuadrave.

“Sport Ekspres” konfirmon se deri në orët e fundit janë shitur rreth 17.500 bileta.

Pra teksa jemi vetëm 24 orë larg Tirana-Partizani, stadiumi do të jetë i stërmbushur.

Sërish ajo që na konfirmohet është se interesimi po vazhdon të jetë i lartë për blerjen e tyre, ndërsa pritshmëria është që në këto ritme të kalohet numri i 20.000 tifozë që do të jenë të pranishëm.

Me afrimin e orarit zyrtar të ndeshjes ka një tjetër fluks interesimesh, ndërsa kjo bën që numri i të pranishmëve në “Air Albania” t’i dalë të gjithëve nga parashikimi.