Luhet sot derbi i Romës, hajduti që vodhi farmacinë: Sa keq që nuk do jem në stadium

Sot në orën 18:00 luhet derbi i kryeqytetit italian, Roma-Lazio. Si zakonisht, derbi merr një përjetim ndryshe dhe kështu po ndodh edhe kësaj here.

Kur jemi edhe pak orë nga starti i sfidës, vëmendja më e madhe i shkon një hajduti, i cili ka grabitur një farmaci, “plaçkitja” e së cilës kap vlerën e 1500 eurove.

Shifra mbase nuk është e jashtëzakonshme, por atij do t’i duhet të përballet me drejtësinë shumë shpejt. Në fakt, më tepër sesa gjyqin apo ndëshkimin, i ndaluari ka menduar pikërisht për derbin kur policët i kanë vënë prangat.

I arrestuar në shtëpinë e tij, hajduti 40-vjeçar mësohet të jetë ankuar për faktin se nuk do të mund të shohë Romën e tij kundër Lazios sot në mbrëmje.

I ndaluar nga forcat e rendit edhe në raste të tjera, hajduti ka deklaruar në komisariat se ndien keqardhje që nuk do të shkojë në stadium, duke shtuar se këtë derbi do të jetë i detyruar ta shohë nga televizori në qelinë e izolimit.