Kriza e Barcelonës, Zidane: Do jenë konkurrentë deri në fund

Trajneri i Real Madridit,, Zinedin Zidane ka folur rreth krizës që po kalon Barcelona. Ai është shprehur se kriza është institucionale dhe nuk do të ketë ndikim në lojën e katalanasve nga cilët pret të jenë konkurentë deri në fund.

Zidane nuk beson se Real Madridi do të ketë mundësi ta shfrytëzojë këtë krizë në Barcelonë për ta rritur epërsinë në krye të tabelës së La Ligës, pasi që thotë se Barcelona do të vazhdojë njëjtë në fushën e lojës.

“Nuk i komentoj klubet e tjera. Barcelona do të jetë konkurrente deri në ditën e fundit të sezonit. Skuadrat e mira nuk ndryshojnë befasisht, ato janë gjithmonë të mira. Sa i përket të tjerave, thjesht s’më intereson”, ka thënë Zidane.

“Ne nuk do ta shfrytëzojmë asnjë moment të tillë sepse ata nuk do të dëshmojnë asnjë dobësi. Ata do të vazhdojnë të garojnë dhe t’i bëjnë gjërat ashtu siç duhet deri në fund të sezonit. Ne do të bëjmë punë të mirë. Jemi të lumtur, por s’kemi fituar ende asgjë”.

Kapiteni i klubit, Messi, foli me zëvendëskapitenët – Sergio Busquets, Gerard Pique dhe Sergi Roberto, pas reagimit të tij ndaj Abidalit dhe ata i thanë se ai e ka përkrahjen e lojtarëve.

Pas kësaj situate që e bën të qartë se marrëdhënia e Abidalit me lojtarët nuk është aspak e mirë, drejtori sportiv do të mbajë takim urgjent me presidentin e klubit, Josep Maria Bartomeun, të mërkurën.