Intervisa e parë e Messit kur ishte 16 vjeç, ja çfarë tha ai në 2003 (VIDEO)

Për gati dy dekada, Lionel Messi ka bërë që shumë tifozë në mbarë botën të admirojnë futbollin shkaku i lojës së tij.

Kthehemi në vitin 2003, Messi kishte intervistën e parë si lojtarët i Barcelonës në televizionin e klubit, pasi kishte nënshkruar kontratën e tij të pare profesionale.

“Ata më thirrën mua, më thanë se do më bënin një lojtar profesional dhe ishte diçka ambicioze”, ka thënë Messi kur ishte 16-vjeçar.

“Këtu, lojtarët me moshën 18, 19-vjeçare vazhdojnë të luajnë në akademi, por në Argjentinë me 16 ose 17 ju luani në ligën e parë, pasi atje nuk ka shumë para”.

Argjentinasi i ishte bashkuar Barcelonës më vonë, pasi ishte zbuluar në vendlindjen e tij.

Por, sulmuesi ka zbuluar se nuk e kishte të lehtë jetën në Spanjë.

“Në sezonin tim të parë, kisha një kohë të vështirë këtu”, ka vazhduar ai. “Gjashtë muajt e parë ishte të vështirë, pasi nuk kisha as letrat”.

“Në ndeshjen e parë u lëndova dhe isha për dy muaj i papunë. Ishte diçka e shëmtuar, pasi filloi të më humbiste edhe besimi, isha i mbyllur në dhomën time, nuk flisja me askënd”.

“Mirëpo, ditë më vonë – bashkëlojtarët filluan të komunikonin me mua, ishim disi më të afërt dhe qëndronim së bashku më shumë”.

Kur u bë 17-vjeçar, Messi dëshiron të debutonte në skuadrën e dytë dhe së paku të ishte rezervist aty.

“Dëshiroja që të kaloja menjëherë në Barcelonën B dhe mos të luaja në atë C. Kur kalova në B, kisha mundësinë të shikoja edhe lojtarët e skuadrës së parë dhe entuziazmi ishte i madh”, ka shtuar më tej ai.

/Telegrafi/