“Hillsborough”, 31 vite nga tragjedia më e madhe në Britani

Tragjedia e “Hillsborough”që provokoi 96 të vdekur dhe 766 të plagosur, është konsideruar edhe si fatkeqësia më e madhe e sportit anglez.

Klubi i Liverpoolit do ta kujtoj 15 prillin si një ditë fatëkeqe, pasi 31 vite më herët ndodhi tragjedia e cila u quajt si tragjedia e ‘Hillsborough’.

Incidenti ndodhi më 15 prill 1989 në stadiumin ‘Hilllsborough’ të Sheffield. Gjatë ndeshjes gjysmëfinale të FA Cup ndërmjet Liverpoolit dhe Nottingham Forestit, një dëshirë e fortë njerëzore rezultoi me vdekjen e 96 njerëzve dhe plagosjen e 766 të tjerëve.

I gjithë faji i kësaj tragjedie shkon për policin të cilët lejuan të hynin shumë tifozë, me ç’rast ndodhi edhe tragjedia e cila konsiderohet si njëra nga fatkeqësitë më të mëdha në futboll.

Në atë kohë, gjysmëfinalja e FA Cup u vendos të luhej në stadium neutral. Për vitin 1989, Federata Angleze zgjodhi Hillsborough [stadium i Sheffield Wednesday] për ndeshjen me Liverpool dhe Nottingham.

Siç është standarde në Angli, tifozët vërshuan në stadium. Tifozët e Liverpool qëndronin në pjesën Leppings Lane. Hyrja në atë pjesë ishte e mundur vetëm përmes një pjese të vogël, gjë që nuk u respektua.

Sipas kësaj, shefi i mbikëqyrjes së stadiumit, David Duckenfield oficer i lartë i policisë dhe përgjegjës i ndeshjes urdhëroi hapjen e një porte të re. Porta u hap, stadiumi u mbush më shumë nga ç’duhej. Në vitet e mëparshme porta që u hap, ishte e mbyllur dhe ruhej nga policia. Megjithatë, në këtë rast porta ishte pa asnjë polic, transmeton lajmi.net.

Fluksi i madh për ta shikuar ndeshjen solli edhe tragjedin. Mbështetësit brohortnin pa pushim derisa filluan të bien njëri pas tjetrit. Pas gjashtë minutave, ndeshja u ndërpre. Për t’i ndihmuar të plagosurit, mbështetësit i hoqën reklamat për t’i mbajtur të plagosurit dhe t’i dërgonin në emërgjencë, pastaj pasuan edhe ambulancat.

Nga 96 njerëz që kanë vdekur, 14 u shtruan në spital.

Kur kryetari i FA vizitoi vendin që ndodhi aksidenti, në mënyrë të gabuar Duckenfield pohoi se mbështetësit kishin ”nxituar” të hynin nga porta [një gënjeshtër e qartë nga ana e mbikëqyrsit të stadiumit].

Hetimi i gjatë në vitet 1990, raporti Taylor konkludoi se ”arsyeja e tragjedisë ishte dështimi i kontrollit policor”. Gjetjet e raportit rezultoi në eleminimin e shumë tarracave në stadiumet e futbollit si në: Uells, Skoci dhe Angli.

Në përvjetorin e 20-të të katastrofës, ministri i qeverisë, Andy Burnham thërriti të gjithë policët, ambulancët që ishin të pranishme dhe të gjitha agjencitë tjera publike – për të lëshuar dokumente që nuk janë në dispozicion për gjykatësin, Taylor në vitin 1989.

Ky veprim çoi në formimin e Panelit të Pavarur të Hillsborough, i cili në shtator 2012 arriti në përfundimin se asnjë tifoz i Liverpool nuk ishin përgjegjës për vdekjen, dhe se përpjekjet janë bërë nga autoritetet për të fshehur atë që ndodhi, duke përfshirë edhe ndryshimin nga policia e 116 deklaratave që kanë të bëjnë me katastrofën.

Faktet në raport i bën që shumë zyrtarë të lartë të kërkonin falje; Kryeminstri David Cameron; Shefi i Policisë së Jugut Yorkshire, David Crompto; Kryetari i FA, David Bernstein; dhe Kelvin MacKenzie; si dhe krye-redaktori i The Sun.

Në shtator 2012, Paneli i Pavarur i Hillsborough arriti në përfundimin se deri në 41 nga 96 viktima mund të ishin shmangur po të kishin marrë trajtim të menjëhershëm mjekësor.

Raporti zbuloi “dështimet e shumta” nga shërbimet e tjera emergjente dhe organet publike që kanë kontribuar për numrin e të vdekurve.

Në përgjigje të raportit të panelit, Prokurorit të Përgjithshëm në Angli dhe Uells, Dominic Grieve, konfirmoi se do të marrë në konsideratë të gjitha dëshmitë e reja për të vlerësuar aksidentin nëse ishte në të vërtetë aksident.

Më 19 Dhjetor 2012 një juri e re është krijuar në Gjykatën e Lartë. Sot e kësaj dite, nuk ka asnjë fajtor të dënuar pavarësisht shumë deklaratave nga zyrtarë të shumtë. Tifozët e Liverpoolit dhe familjet e viktimave po shpresojnë në zbardhjen e rastit pas 31 viteve.