Anulimi i sezonit në Francë, presidenti i Lyon del kundër: Të vendoset me Play-off

Sezoni 2019-2020 në Francë u anulua për shkak të pandemisë së koronavirusit, mirëpo jo të gjithë e kanë pranuar këtë vendim një nga ata që e kanë kundërshtuar është presidenti Lyon i cili shprehet se gjithcka duhet të vendoset përmes Play-off.

Kryeministri francez Edouard Philippe njoftoi se asnjë veprimtari sportive nuk do të lejohet të zhvillohet deri në shtator dhe konfirmoi se nuk ka mundësi që Ligue 1 të rifillojë në mes të luftës së vazhdueshme kundër koronavirus, me Francën ende në një gjendje mbylljeje.

“Çështjet e mëdha sportive nuk mund të ndodhin para shtatorit”, tha ai në një asamble kombëtare të martën.

“Sezoni i futbollit profesional 2019/20 nuk mund të kthehet”.

Aulas tha: “Kam lexuar me kujdes atë që tha UEFA, ata donin që ne të shkonim deri në fund të garave, edhe nëse do të duhet të luajmë në një format të ndryshëm dhe në gusht”.

“Pra, unë mendoj se ekziston një mënyrë alternative e cila do të konsistonte në plotësimin e këtij fundi të kampionatit me një seri play-off për ekipet lartë dhe ato poshtë, që do të zhvillohej në gusht, mbase edhe në korrik pas dyerve të mbyllura”.

“Mos u nxitoni. Unë i them vetvetes se, mbase, në rregullat e dekonfinancimit që janë propozuar, ka ende vend për të përfunduar kampionatin”, vazhdoi ai.