Adriano Galliani: Nuk e tradhtova unë Milanin

Drejtori i gjeneral i Monzas, Adriano Galliani ka pohuar se ai nuk ishte besnik ndaj Milanit kur shkoi për të ndihmuar ish-skuadrën e tij të fitonte promovimin.

Biancorossët janë ngjitur në nivelin e dytë të futbollit italian nën pronësinë e Silvio Berlusconit dhe Galliani kishte ndjekur ish-presidentin e Rossonerëve.

“Kishte disa kërkesa, por nuk do të përmend asnjë emër. Bashkimi me Monzën nuk ishte një tradhti e Milanit, ” ka thënë ai për Sky Sport Italia. “Para se të shkoja në Milano, unë isha në Monza dhe më pas u ktheva në ekipin e qytetit tim”.

“Asnjëherë nuk kam menduar të shkoj në një ekip tjetër që nuk ishte Milano, Monza nuk është një klub tjetër, por skuadra nga qyteti im”.

Presidenti Silvio Berlusconi pohoi se Monza po synonte futjen në Serinë A pas promovimit në Serie B dhe Galliani u pyet më vonë për mundësitë e përballjes së Milanit në Serie A me ekipin e tij aktual.

“Kjo është një pyetje e vështirë. Ne do të mendojmë për këtë kur të ndodhë”.

Galliani gjithashtu insistoi që ai nuk do të jetë në gjendje ta sjellë Zlatan Ibrahimovicin në Monza.

“Unë mbaj kontakte me Ibrahimovic, ai është një mik i vjetër. Por kjo hipotezë është e pamundur. Gjithashtu për shkak të rregulloreve. Në fakt, në Serie B, ekziston një limit lojtarësh në skuadër, ku merren parasysh ata që kanë lindur pas vitit 1997”, ka shtuar më tej ai.