Shënohet viktima e parë, era e fortë tremb shoferin e përplas për vdekje këmbësorin

Një ngjarje e rëndë ka ndodhur mes erës së fortë në Gjirokastër.

Burimet zyrtare bëjnë me dije se një person ka ndërruar jétë si pasojë e një aksidenti automobilistik në Gjirokastër.

Sipas njoftimit të policisë, i ndjeri është përplasur për vdékje nga një autobus që drejtohej nga qytetari me inicialet L.R, 45 vjeç, banues në Vlorë.

Ngjarja e réndë ka ndodhur në aksin Tepelenë- Gjirokastër, teksa këmbësori ka tentuar të kalojë rrugën.

Po punohet për shkaqet e aksidentit, por një prej tyre mund të jetë edhe shpërqëndrimi i shoferit për shkak të motit të keq dhe erës së furishme që ka përfshirë vendin.

Shoferi i autobuzit është shoqëruar për në komisariat.

Gjirokastër/Informacion Paraprak:

Rreth orës 18:15, në aksin rrugorë Tepelenë – Gjirokastër, në afërsi të fshatit Humelic, një autobuz, me drejtues shtetasin L.R, 45 vjeç, banues Vlorë ka goditur një këmbësor, i cili ka ndërruar jetë.

Në vendngjarje ka shkuar grupi hetimor dhe po punon për zbardhjen e shkaqeve të aksidentit. Drejtuesi i autobuzit është shoqëruar në komisariatin e policisë Gjirokastër dhe po kryehen veprimet proceduriale.