Ruçi mbledh “Miqtë e fëmijëve”, Shahini flet për mësmin online

Kreu i Kuvendit Gramoz Ruci ka mbledhur grupin e deputetëve “Miqtë e fëmijëve”.

Në fjalën e tij, Ruci tha se fëmijët duhet ta kuptojnë sesa e bukur është jeta e lirë, pa pandemi e grip. Ruci u shpreh se nxënësit janë ata që duhen mbrojtur në këtë kohë pandemie, ndërsa ka mbajtur fjalën e saj të rastit edhe ministrja e Arsimit Besa Shahini.

Gramoz Ruci: Jemi mbledhur që të mbrojmë sistemin arsimor si njësi kulturore, institucionale afat-gjatë. Pandemia na kujtoi edhe njëherë se është një e keqe, të cilët do e duhet ta mundim me strategjitë tona. Ftoj zonjën Shahini që të flasë.

Besa Shahini: Sistemi arsimor është sfiduar nga pandemia dhe tërmeti në këtë vit. Ne humbëm disa ditë pune në shkollë që në nëntor. Shkëputja nga shkolla e gjatë nuk iu bën mirë fëmijëve, sepse fëmijët atëherë do kenë tendencë të largohen nga sistemi arsimor. Ne jemi munduar që të gjithë nxënësit të kenë mundësi të ndjekin mësimin nga shtëpitë.

Kemi qenë fleksibël me mësuesit, e nuk e kemi bërë të kompleksuar sistemin. Parimi i dytë ka qenë që të ruhet shëndeti mendor i nxënësve. Shkollat u mbyllën më 9 mars, kur u evidentua rasti i parë i Covid-19. Arsyeja pse në Shqipëri ka pak raste është se ne kemi kryer mbylljen menjëherë. Kanë marrë shërbim psiko-social deri 2000 nxënës.