Kryeministri Edi Rama ka mbajtur fjalën e tij gjatë konferencës “Një kontinent një e ardhme”, për përfshirjen e vendeve të Ballkanit Perëndimor në BE.
Ndër të tjera ai ka përmendur edhe tentativën për të hapur kufirin mes Shqipërisë dhe Kosovës, por që sipas Ramës mori sinjale nga Brukseli që të mos merrnin në konsideratë hapjen e kufirit.
None found
Edi Rama: “Nëse themi dhe e kemi thënë më përpara dhe nuk ka funksionuar që do të hapim kufirin me Kosovën do kemi lirinë e lëvizjes së njerëzve nuk është ndoshta Beogradi që do të hidhet por është Washington është Brukseli që thonë jo në asnjë mënyrë. Në momentin që ne ishim drejt kësaj rruge në tetor patëm disa sinjale nga Brukseli për të qenë të kujdesshëm që të mos konsideronim asnjë lëvizje të një forme tjetër nëse rezultati do të ishte negativ, saktësisht për të mos marrë në konsideratë hapjen e kufirit. Pse? Sepse nuk mund ta bësh nëse nuk ke dakordësinë e të tjerëve për të lëvizur në bazë të të njëjtit parim.”
Kreu i qeverisë u shpreh se Kosova nuk është e detyruar të bëhet pjesë e marrëveshjes Shqipëri- Serbi, duke theksuar se kjo e fundit ka rënë dakord që të mos vendosë veto apo kusht mbi mënyrën sesi vendet e tjera qasen ndaj nismës së minishengen ballkanik.
Edi Rama: “Nëse Kosova është pjesë e kësaj nisme nuk është e detyruar të bëjë të njëjtën gjë me Shqipërinë dhe Serbinë, është shumë e thjeshtë dhe kjo është ajo që kemi rënë dakord me Serbinë. Që Serbia nuk duhet dhe mund të vendosë asnjë veto, kusht, paragjykim për mënyrën se si vendet, shtetet e tjera duan të ecin brenda kësaj nisme. Pra ti thuash jo kësaj është ti thuash jo historisë, së ardhmes dhe jam i sigurt se kjo do të na bëjë bashkë të gjithëve, jam i sigurt se herët me shumë se sa vonë do të jemi bashkë pjesë e saj sepse nuk mund të vazhdojnë nuk rrimë të refuzojmë e kundërshtojmë gjëra që janë kaq të dukshme, kaq të qartë e që nuk kanë asnjë problem, natyrisht nuk është e thënë të biem dakord për gjithçka është shumë thjeshtë, e them mbështetur në mosmarrëveshjet e mëdha që janë. S’kemi arsye pse. Qëndrimi ynë në raport me Kosovën është shumë i qartë, karshi Serbisë nuk ndryshon por duke bërë atë që po përpiqemi të bëjmë besojmë që krijojmë më shumë mundësi për një dialog më këmbëngulës dhe më të qëndrueshëm, jo më pak.” /albeu.com/
Kategoria e ParëPogradeci dhe Besa kanë barazuar 1-1 në ndeshjen miqësore të zhvilluar në stadiumin e Pogradecit, në kuadër të…
Një masiv i madh shkëmbor është shembur këtë të shtunë në aksin nacional Burrel–Klos, në vendin e njohur si “Shkëmbi…
Presidenti amerikan Donald Trump deklaroi me tone humoristike se synon të kandidojë për një mandat të katërt në Shtëpinë e…
Të hënën në mëngjes grevë e doganierëve grekë në pikat kufitare. Ministria e Punëve të Brendshme njofton qytetarët se, sipas…
Elon Musk ka deklaruar se paratë mund të humbasin rëndësinë e tyre brenda dekadës së ardhshme, pasi inteligjenca artificiale dhe…
Kosta dhe Belere Plaku u përcollën këtë të shtunë për në banesën e fundit, një ditë pas ngjarjes tragjike në…