Policia merr në kontroll rrugët pas vrasjeve, si u vunë në pranga dy persona

Jemi vetëm pak ditë nga fundi i muajit i cili nuk ka qenë aspak i qetë, por i mbushur me atentate të bujshme dhe krime që tronditën Shqipërinë.

Vrasje për larje hesapesh, pazare droge, hakmarrje apo luftë për pronë shoqëruan përditshmërinë e shqiptarëve vetëm në javën e fundit shkruan albeu.com.

Elbasani këto ditë është blinduar me polici dhe dy të akuzuar për vrasje e krime të tjera të rënda janë arrestuar 72 orët e fundit gjatë kontrolleve në rrethrrotullimin e Bradasheshit.

Prej vrasjes së vëllait të Talo Çelës, Bujar Çelës është ngritur postblloku policor që kontrollon automjetet që vijnë nga akset më të rëndësishme të vendit, nga Tirana, Porti i Durrësit apo Qafë-Thana me Kapshticën.

Policia gjithashtu ka marrë masa në të gjithë vendin pas vrasjes së Bujar Celës dhe atentatit me tritol në mes të Tiranës, ndaj Preng Gjinit.