Pjesë e bandës Habilaj? Artan Hoxha zbulon detaje nga vetëdorëzimi i Jaeld Çelës

Ditën e sotme u vetëdorëzua në polici ish-shefi i policisë së Vlorës, pas 3 viteve në arrati.

Gazetari Artan Hoxha ka deklaruar për Abc Neës se ish-drejtori i Policisë së Vlorës ka qenë i shoqëruar nga avokati i tij në momentin e dorëzimit.

Hoxha tha se ai ka ecur i pashqetësuar drejt dyerve të kësaj godine.

Ai theksoi se dorëzimi i tij në këtë fazë të gjykimit pritet të lehtësojë edhe dënimin e tij, duke e krahasuar atë me të njëjtën më mënyrë si Klemend Balili, i cilësuar si Eskobari i Ballkanit.

“Pas gati tre vitesh në kërkim Çela i cili ka pasur disa detyra të rëndësishme në Policinë e Shtetit, kam mësuar se para pak minutash është paraqitur vetë në Policinë e Tiranës.

Është shpallur në kërkim në nëntor të 2017. Së bashku me Tahirin dhe Habilajn.

Çela ka qenë në kërkim, ndërkohë në Shkallën e Parë është dënuar nga Krimet e Rënda për shpërdorim detyre. Është i vetmi zyrtar i policisë, dënimi i të cilit nuk u bë në shërbim prove por me burg.

Dorëzimi i Çelës është një rrethanë lehtësuese për të. Dorëzimi i tij është bërë vullnetarisht, i shoqëruar nga avokati i tij.

Është vënë në dispozicion të gjykimit, në të njëjtin proces ku po gjykohet edhe Tahiri. Dorëzimi i tij i ngjan atij të Klevis Balilit.”, tha Artan Hoxha.