Një tjetër provë, pse Covid prek më shumë meshkujt se femrat

Zbulohet një tjetër provë e cila tregon lidhjen që ka gjinia në rastet e infektimit me Covid-19.

Një studim i fundit i disa mijëra pacientëve ka treguar se burrat kanë përqendrime më të larta të enzimës konvertuese të angiotenzinës 2 (ACE2) në gjakun e tyre sesa gratë. Meqenëse ACE2 i mundëson koronavirusit të infektojë qelizat e shëndetshme, kjo mund të ndihmojë në shpjegimin e arsyes pse burrat janë më të prekur nga COVID-19 në krahasim me femrat.

Studimi, botuar në European Heart Journal sot (11 maj 2020), gjithashtu zbuloi se pacientët me probleme të zemrës që marrin ilaçe që prekin sistemin renin-angiotensin-aldosterone (RAAS), siç janë frenuesit e enzimës konvertuese të angiotenzinës (ACE) ose receptori (ARB), nuk kishin përqendrime të larta të ACE2 në gjak.

Disa hulumtime të kohëve të fundit sugjeruan se frenuesit e RAAS, mund të rrisin përqendrimet e enzimës së quajtur ACE2 në plazmën e njerëzve, duke rritur kështu rrezikun e COVID-19 për pacientët më semundje kardiovaskulare që marrin këto ilaçe.

Por studimi i fundit nuk mund të sigurojë prova përfundimtare mbi efektet e frenuesit RAAS te pacientët me COVID-19. Përfundimet e tij janë të kufizuara kryesisht për pacientët me provleme të zemrës, dhe pacientët nuk kishin COVID-19, kështu që studiuesit nuk mund të sigurojnë një lidhje të drejtpërdrejtë midis rrjedhës së sëmundjes dhe përqendrimeve të ACE2 në plazmë.

Në një konferencë për shtyp, autorët e studimit thanë: “ACE2 është një receptor në sipërfaqen e qelizave. Ai lidhet me koronavirusin dhe e lejon që të hyjë dhe infektojë qelizat e shëndetshme pasi të jetë modifikuar nga një proteinë tjetër në sipërfaqen e qelizës.

Nivele të larta të ACE2 janë të pranishme në mushkëri dhe, prandaj, mendohet se luajnë një rol vendimtar në përparimin e çrregullimeve të mushkërive të lidhura me COVID-19.”