COVID-19, përse burrat janë më të rrezikuar se gratë

Të gjithë deri tani janë ndjerë të konfuzuar mbi arsyen që i bën meshkujt më të prekur nga COVID-19 sesa Sipas një studimi të ri evropian, gjaku i burrave ka nivele më të larta të një enzime kyçe që përdoret nga koronavirusi për të infektuar qelizat.

Prania më e lartë e enzimës konvertuese të angiotenzinës 2 (ACE2) e gjetur në zemër, veshkë dhe në indet që mbështjellin enët e gjakut mund të shpjegojë pse më shumë burrat kanë të ngjarë të vdesin nga COVID-19.

ACE2 është një receptor në sipërfaqen e qelizave i cili lidhet me koronavirusin dhe lejon që ajo të hyjë dhe infektojë qelizat.

Ndërsa burrat dhe gratë kanë po aq gjasa të kapin koronavirusin, burrat kanë më shumë të ngjarë të pësojnë efekte të rënda të sëmundjes, pjesërisht për shkak të niveleve të tyre më të larta të ACE2, sipas studiuesëve.

“ACE2 lidhet me koronavirusin dhe lejon që ajo të hyjë dhe infektojë qelizat e shëndetshme pasi të jetë modifikuar nga një proteinë tjetër në sipërfaqen e qelizës, e quajtur TMPRSS2”, tha Dr Adriaan Voors në Qendrën Mjekësore Universitare Groningen në Hollandë.

“Nivele të larta të ACE2 janë të pranishme në mushkëri dhe prandaj, mendohet se luajnë një rol vendimtar në përparimin e çrregullimeve të mushkërive të lidhura me COVID-19.”