Meri Shehu nxjerr parashikimin për muajin tetor: Mund të dëgjojmë për luftra

Astrologia Meri Shehu bëri parashikimin e përmuajshëm të shenjave të horoskopit dhe paralajmëroi se Tetori do jetë shumë i vështirë për të gjitha shenjat, do ketë luftë dhe do jetë një muaj i vërtetë Halloween-i.

“Nëse deri tani kemi folur me fjalë dhe kemi bërë hipoteza të ndryshme, ora e së vërtetës fillon në Tetor, lufta dhe paqja. Fjala që do cilësoja të parën është lufta, sepse planeti i luftës, Marsi i kundërt në shenjën e Dashit, do përballet shumë fuqishëm këto dy muaj deri në fund të Dhjetorit me Satrunin, planetin e pushtetit, të rregullave, të dominancës dhe do kemi një sforcim të madh.

Nuk do ishte e pamundur të dëgjonim edhe për luftra. Luftra kanë filluar në disa vende, por do kemi përballje të fuqishme. Kemi edhe lajme të mira sepse muaji fillon me një Hënë të plotë në shenjën e Dashit në datën 2. Është një Hënë e zjarrtë, e bukur, do ndriçojë dëshirën për të bërë ndryshime të mëdha, por gjithmonë me shumë sforco.

Do jetë një muaj i vështirë, plus është një muaj me 3 eklipse, në fund të muajit do kemi Hënën blu në datën 31 në shenjën e Demit. Ky muaj do jetë Halloween sepse në datën 14, Mërkuri do kthehet i kundërt në shenjën e Akrepit dhe misteret, tërheqjet e gjërave të errëta, mistike do na joshin më shumë.

Si duket bota reale po na lodh dhe ne do kemi një drejtim ndërmjet dy botëve. Deri në datë 1 Dhjetor do e kemi Mërkurin e kundërt”, është shprehur Meri Shehu në emisionin Rudina. /tvklan.al