Mbi tre orë në zyrat e “OFL”, çfarë deklaroi Lulzim Berisha

24 orë pasi emri i tij u lakua nga operacioni ‘anti-KÇK’ që i kërkonte justifikimin e pasurisë, ish kreu i Bandës së Durrësit Lulzim Berisha ka shkuar vetë në zyrat e OFL-së për të dorëzuar dokumentacionin.

Lulzim Berisha dhe avokati i tij mbrojtës Detar Hysi kanë qëndruar për më shumë se tre orë në zyrat e operacionit Forca e Ligjit ku dhe kanë paraqitur dokumentet e kërkuara për pasurinë personale dhe atë të familjes. Mësohet se Berisha ka deklaruar se pasuritë e tij janë të ligjshme si dhe ka rradhitur përpaa hetuesve pronat e bizneset që posedon.

Abcneës ka siguruar formularin që OFL i dorëzoi Lulzim Berishës për pasurinë. Kërkesa është firmosur Drejtues i Parë i OFL, Arben Dashi.

Në dokument thuhet se “Shtetasi Lulzim Adem Berisha me banim në lagjen nr.5 rruga Adria në Durrës të paraqitet pranë Strukturës Operacioni Forca e Ligjit brenda 48 orësh dhe të lëshojë autodeklaratë në lidhje me:

Burimin e ligjshëm të sigurimit të pasurisë
Shkakun e posedimit dhe percaktimin e mases te se drejtes apo interesit te ligjshem qe gezon mbi pasurine.
Sqarimin e menyres se fitimit te pasurise (ne vecanti burimin e te ardhurave)
te ardhura e ligjshme vjetore
cdo informacion ne lidhje me pasurine”