La pas tre vajza, Komuniteti Mysliman reagon për vdekjen e mësuesit

Gazjon Rusi 39 vjeç, humbi betejën me Covid-19 mbrëmjen e të dielës në spitalin “Shefqet Ndroqi”.

Sikundër u raportua më herët, ai ishte mësues i matematikës në Medresenë “Haxhi Sheh Shamia” dega e djemve dhe prej ditësh ndodhej i shtruar në gjëndje shume të rëndë, i intubuar.

Lidhur me ngjarjen e trishtë, ka reaguar edhe Komuniteti Mysliman i Shqipërisë. Përmes një postimi në rrjetet sociale, KMSH thotë se ‘Gazjoni, baba i tri vajzave, prej disa ditësh ndodhej i shtruar në gjendje shumë të rëndë në Spitalin COVID-2, “Shefqet Ndroqi”, Tiranë’.

Postimi i plotë

Të Allahut jemi dhe tek Ai do të kthehemi.

Mëngjesin e sotëm ka ndërruar jetë në moshën 39 vjeçare mësuesi i matematikës në Medresenë e Shkodrës Gazjon Rusi.

Gazjoni, baba i tri vajzave, prej disa ditësh ndodhej i shtruar në gjendje shumë të rëndë në Spitalin COVID-2, “Shefqet Ndroqi”, Tiranë.

I lutemi Allahut ta mëshirojë atë dhe familjes ti japë durim në këto momente kaq të vështira.

Gjithashtu i shprehim ngushëllimet të gjithë miqve, kolegëve të tij, nxënësve të medresesë dhe të gjithë atyre që e kanë njohur Gazjonin, duke i ftuar ti lutemi sëbashku Allahut Mëshirplotë për shpirtin e tij.