Kryemadhi: Qarqet anti shqiptare po ndërhyjnë për të deformuar dhe për të shkatërruar historinë

Kryetarja e LSI-së, Monika Kryemadhi ndodhet këto ditë në SHBA nga ka folur dhe për problemin kryesor me të cilin përballet Shqipëria, largimin e të rinjve.

Duke folur për situatën e shqiptarëve në rajon, kryetarja e LSI u shpreh se shqiptarët ndodhet përballe një rreziku të madh.

“Megjithatë do iu kërkoja që ashtu si janë të flasin çdo ditë nga një fjalë për Shqipërinë, për Kosovën, për shqiptarët në mal të zi, për shqiptarët në Maqedoni sepse sot më shumë se kurrë të gjitha trojet shqiptarë kanë nevojë angazhim të fortë të çdo shqiptari kudo që është në çdo cep të botës.

Sot më shumë se kurrë shqiptarët gjenden përballë një rreziku shumë të madh ku të gjitha qarqet anti shqiptare po ndërhyjnë me mënyra nga më të ndryshmet për të deformuar dhe për të shkatërruar historinë dhe memorien e fëmijëve tanë, prandaj një fjalë në ditë mësojuani fëmijëve shqip, një fjalë në ditë tregojuni amerikanëve se sa pro amerikane dhe se sa pro perëndimore është Shqipëria, Kosova, shqiptarët e Maqedonisë, shqiptarët e malit të zi dhe të gjithë me radhë. 1 fjalë në ditë, vetëm 1 fjalë në ditë flisni për Shqipërinë”,- tha kryetarja e LSI.