Kishte ardhur për varrimin e gjyshes, detajet e fundit nga ekzekutimi i të riut

Një ngjarje e rëndë ka ndodhur mbrëmjen e sotme në Tiranë ku është ekzekutuar me armë zjarri një i ri.

Viktima ështe shtetasi Vilson Tafçiu, 28 vjeç, me origjinë nga Dibra, i vrarë me 3 plumba mbrëmjen e sotme.

Burime për albeu.com bëjnë me dije se ai është thirrur për të dalë nga kafja nga persona të paidentifikuar dhe është ekzekutuar me armë zjarri.

Viktima kishte vetëm pak ditë në Shqipëri ndërkohë mësohet se kishte ardhur vetëm për gjyshen e cila kishte ndërruar jetë pak ditë më parë.

Por kush është viktima?

Burime bëjnë me dije se shtetasi në fjalë është person me rekorde kriminale, ndërkohë dyshohet se mban edhe një mbiemër tjetër, Noka.

Ai në 2008 ka qenë i dyshuar për trafikimin e një sasie të madhe kanabisi, ndërsa është depërtuar nga shteti i Francës.

Nga dyshimet e para raportohet se ekzekutimi i 28 vjeçari është bërë për motive banale ndërkohë në momentin e ekzekutimit ka qënë i shoqëruar nga dy mikesha të tij.

Në vendngjarje, në Astir mësohet se ka arritur Ardi Veliu ndërkohë zona është blinduar për të vënë në pranga autorët e kësaj ngjarje të rëndë.

Njoftimi zyrtar i policisë:

Tiranë /Informacion paraprak

Rreth orës 20.45, në Astir, në një rrugicë, në afërsi të një lokali, në rrethana ende të paqarta është plagosur me armë zjarri shtetasi V.T, rreth 28 vjeç, i cili më pas ka gjetur vdekjen.

Menjëherë në vendngjarje kanë shkuar shërbimet e Policisë, të cilat kanë bërë rrethimin e zonës në një perimetër të gjerë.

Janë ngritur pika kontrolli në të gjitha akset rrugore si dhe vijon puna nga grupi hetimor për sqarimin e rrethanave të ngjarjes, grumbullimin dhe fiksimin e çdo prove që do çojë në zbardhjen e ngjarjes, identifikimin dhe arrestimin e autorëve. /albeu.com/