Ka marrë 750 mijë euro? Çili pranon takimin me Alikon

Botuesi Henri Çili ka folur në lidhje me takimin e tij me shtetasin Adil Aliko, duke sqaruar se me të nuk ka pasur asnjë kontratë.

I ftuar në emisionin “Open”, Çili ka mohuar të ketë marrë nga Aliko shumën prej 750 mijë eurosh. Ai ritheksoi se nuk ka asnjë kontratë me të dhe për pasojë nuk mund t’i merrte këto para.

“As avokatët e mijë nuk e kanë dosjen. Në pozitën time si ortak i kësaj studio ligjore unë jam takuar me shumë persona edhe me atë që është lidhur me çështjen e parë. Kam diskutuar shanset për në shkallën e tretë të gjyqësorit.

Edhe asistencën që mund të bënim ne për këtë. E kam takuar familjarët e të dënuarve ose familjarë të të çështjeve të tjera. Nuk dua të flas, pasi nuk i mbaj mend çfarë kamë thënë.

Është një çështje e madhe dhe të vështira që teorikisht do shkojnë deri në Strasburg janë të shtrenjta dhe të gjata ky është konteksti i këtij procesi”, tha ai.

Henri Çili u arrestua gjatë një operacioni policor, pasi akuzohej për krijimin e lehtësirave për trafikantët, me anë të pushtetit dhe njohjeve.