Jep dorëheqjen zv.ministri i Fincanave Elton Haxhi

Zëvëndësministri i Financave, Elton Harxhi ka dhënë sot dorëheqjen.

Harxhi ka njoftuar largimin nga posti i rënëdsishëm, në një kohë që vetëm një muaj më parë është larguar dhe zëvëndësministri tjetër, Erjon Luçi.

Në një pronocim për mediat ai ka thënë se “Nuk mundet të vijoja të qëndroja më në atë detyrë”.

Kush është Elton Haxhi

Elton Haxhi ka lindur në 21 qershor 1972 në Tiranë. Ai ka mbaruar studimet e larta në Universitetin e Tiranës në 1995, dega Financë Kontabilitet, dhe ka diplomë të avancuar për kontabilitet dhe biznes nga Shoqata e Kontabilistëve të Çertifikuar (ACCA) në Angli. Aktualisht mban titullin profesional Auditues Ligjor, dhënë nga Instituti i Ekspertëve Kontabël të Autorizuar (IEKA) në vitin 2000.

Z. Haxhi ka një eksperiencë profesionale mbi 24 vjeçare në fushat e auditimit, raportimit financiar, taksave, dhe drejtimit financiar. Z. Haxhi ka qenë i angazhuar në pozicione drejtuese për më shumë se 7 vjet me Ernst&Young Albania dhe KPMG Rusi. Përpara emërimit si zëvendësministër, ai ka qënë drejtuesi kryesor i shoqërisë së auditimit Baker Tilly Albania (ndër 10 kompanitë e auditimit më të mëdha në botë). Ndër të tjera, ka qënë ekspert kryesor në disa projekte asistence, si ai i Bankës Botërore në fushën e përmirësimit të raportimit financiar (EQ-FINREP) si edhe ekspert kombëtar financiar i projektit UNDP-STAR 1 që ka asistuar gjatë reformës administrative-territoriale për bashkimin dhe rritje kapacitetesh të Njësive të Qeverisjes Vendore (2014-2016).

Në tetor 2017 është emëruar Zëvendësministër i Financave dhe Ekonomise, përgjegjës për sektorin e të ardhurave fiskale, kontabilitetin, auditimin, kontrollin financiar, etj. Ai është gjithashtu drejtues i procesit të “screening” për hapjen e negociatave me Bashkimin Evropian për kapitujt që lidhen me tatimet, doganat, ligjin e shoqërive tregtare, kontabilitetin, auditimin dhe kontrollin financiar.

Ai kryeson dy këshilla mbikqyrës, Fondi Shqiptar për Zhvillimin e Diasporës dhe AgroKredit Sh.A. (institucion mikro-kredi). Ai gjithashtu ka qënë një nga anëtarët e Bordit të Mbikqyrjes Publike të Ekspertëve Kontabël të Regjistruar dhe Kontabilistëve të Miratuar në Shqipëri (2010-2014), dhe që nga vitit 2018 kryeson Këshillin Kombëtar Tatimor.