Ish-ministri: Pse pacientët e intubuar te Sanatoriumi reagojnë më mirë se tek Infektivi

Lajm shpresëdhënës nga spitali “Shefqet Ndroqi”.

Një paciente me Covid-19 e cila prej dy javësh ishte e intubuar në këtë spital, ka dalë nga intubimi dhe tashmë është në gjendje të stabilizuar, duke shënuar kështu rastin e parë të një pacienti me Covid-19 që del nga intubimi.

Lidhur me këtë lajm ka reaguar ish-ministri i Shëndetësisë në radhët e PD, Tritan Shehu, i cili përgëzon stafin mjekësor të këtij spitali. Ai thotë se kjo ka thyer edhe situatën paradoksale, ku deri dje nuk ishte intubuar asnjë pacient duke e lidhur këtë sukses me strukturat dhe kushtet e tjera të spitalit “Shefqet Ndroqi”, në krahasim me atë “Infektiv”.

“Nje mesazh i mire nga Spitali “Shefqet Ndroqi”!

Nje paciente me Covid 19 pas reth dy jave nen respiracion mekanik e intubuar, qe prej 24 oresh eshte extubuar dhe ne gjendje te stabilizuar shendetesore.

Pergezimet me te mira ekipit reanimator te atij spitali, kolegeve mjeke e personelit ne terresi aty per kete, me shume se lajm te gezuar qe dhane.

E kuptoj, dikush nga reanimatoret, qe e konsiderojne si rutine ne punen e tyre intubimin, vendosjen ne respirator, extubimin etj, do te me thone, kjo eshte pjese e punes sone.

Jam krejt dakort me ata, por dua tu kujtoj se keto jave ishte krijuar nje situate paradoksale, kur deri dje asnje pacient nuk u arrit te extubohet me sukses, pa dyshim ky eshte nje fakt qe nuk mund a duhet te komprometoje metoden, por qe fatkeqesisht po ndodhte, vecanerisht per keto raste akoma me kaq elemente te panjohur e te veshtire.

Sherbimi i reanimacionit, thelbesor ne fitoren e jetes, qe te kete sukses, qe te preke statistikat e vendeve te zhvilluara, duhet te perfshihet ne standartet e tyre, e ketu nuk e kam fjalen vetem per “respiratorin”, por shume me gjere, qe nga struktura e parametrat e saj, duke vazhduar me tej te monitorimi hemodinamik, shtreterit speciale, laboratoret, imazheria, dializa afer te semurit etj etj, me nje kosto shume te larte keto, per te shkuar pastaj tek niveli profesional, qe realisht ekziston.

Kete nuk duhet ta harrojme kurre, dhe kete e qartesoi pikerisht kjo epidemi”, shkruan Shehu.

Deri më tani në dy spitalet Covid janë të intubuar 5 pacientë, 4 prej të cilëve janë të shtruar pikërisht në spitalin “Shefqet Ndroqi”, ndërsa një tjetër po trajtohet tek “Infektivi”.