89 fitimtarë e 9 rëndë, si paraqitet situata në dy spitalet COVID 19

Ka shkuar në 304 numri i të prekurve nga koronavirusi në vend, ku prej tyre 16 kanë humbur jetën.

Gjatë 24 orëve të fundit, janë konfirmuar 27 persona nga 112 teste të kryera. Ministria bëri me dije se në total janë testuar 2031 raste të dyshuara dhe mosha mesatare e rasteve pozitive është 50 vjeç.

Vlen të përmendet se 13 persona janë shëruar gjatë 24 orëve të fundit duke shkuar në 89 numri i fitimtarëve në këtë betejë.

Në shërbimin infektiv aktualisht janë 73 të shtruar. 7 prej tyre janë në terapi intensive ndërsa 2 nga këta janë të intubuar. Pjesa tjetër e të shtruarve në pavion janë në gjendje të stabilizuar deri në këto momente.

Gjatë orëve të para të mëngjesit janë transportuar në spitalin COVID2 “Shefqet Ndroqi”, 3 paciente nga spitali Infektiv.
Aktualisht në spitalin COVID 2 “Shefqet Ndroqi”, i cili do të ndjekë rastet e rënda me insufiçencë respiratore covid pozitiv, janë 4 pacientë të shtruar, 2 prej të cilëve në gjendje të rënduar (të intubuar).

Në dy spitalet COVID aktualisht po marrin shërbim 81 pacientë.