Ministrja e Mbrojtjes, Olta Xhaçka, ka inspektuar nga afër punën e Forcave të Armatosura, që kanë zbritur sot në terren për të parë nëse qytetarët respektojnë masat e qeverisë kundër COVID-19.
Në një intervistë për Neës24 nga terreni, ministrja tha se Ushtria dhe policia do të përdorin të gjithë autoritetin, në momentin që qytetarët nuk zbatojnë urdhrat e qeverisë.
None found
“Duke qenë se jemi në situatë të jashtëzakonshme, jemi të mobilizuar me të gjithë forcat tona. Jemi në terren në disa frone, për të ndihmuar policinë, por edhe për të bërë kontrolle. Të gjitha forcat e ushtrisë dhe policisë janë të mobolizuara për t’u siguruar që masat po respektohen, sepse kjo është gjëja e duhur në çdo luftë. Në çdo luftë luftohet për të garantuar të drejtën e jetës dhe gjithë të drejtat e tjera që duhet të gëzojmë për të shijuar jetën. Është një situatë e paprecedentë. Ushtria është e angazhuar në gjithë Shqipërinë, duke u përfshirë në një operacion humanitar të shpërndarjes së ndihmave. Sot ishim pranë familjeve që po vuajnë Akoma pasojat e tërmetit. Qytetarët duhet të respektojnë masat e marra, të qëndrojnë në shtëpi, të respektojnë distancën, të marrin të gjitha masat mbrojtëse, sepse vetëm kështu mund të kujdesen për shëndetin e tyre dhe të të tjerëve”, tha Xhaçka.
E pyetur nëse ka leje ushtria për të përdorur forcën, ajo deklaroi se sigurisht që do reagojnë, sepse bëhet fjalë për sigurinë dhe për jetën e shumë qytetarëve të këtij vendi.
“Nga tani e tutje do të marrim të gjitha masat për t’u siguruar që të gjithë i respektojnë masat. Ushtria, sa i takon, do bëjë gjithçka për t’u siguruar që masat zbatohen”, tha Xhaçka.
Pyetjes se kur do të përdoret uji me presion dhe gazi lotsjellës, ajo deklaroi se janë marrë disa masa, që pas orës 13:00 asnjë qytetar nuk duhet të jetë në rrugë.
“Ka disa gjoba, sanksione, dhe patjetër për ata që nuk i respektojnë do të tregohet gjithë autoriteti i policisë dhe ushtrisë. Do të sigurojmë të drejtën për të jetuar të të gjithë qytetarëve të Shqipërisë”, sqaroi ministrja e Mbrojtjes.
Barcelona dhe Bayern Munich kanë vënë në shënjestër mesfushorin rus të Galatasarayt, Aleksei Batrakov, i cili po kalon një fillim…
Alain TahoEdhe pse në fushë ishin lojtarë nga ekipe si Barcelona, Real Madrid apo Atletico Madrid, Shqipëria U21 doli e…
Sulmuesi anglez, Harry Kane, është futbollisti me më së shumti gola të shënuar, ndërsa francezi Michael Olise kryeson listën e…
Real Madridi po përgatit një kontratë të re me kushte dukshëm më të mira financiare për Jude Bellinghamin, duke synuar…
Pasi Prokuroria e Durrësit shpalli moskopetencë, ditën e sotme, SPAK ka regjistruar procedimin penal për zhdukjen e 69 milionë lekëve…
Lamborghini ka prezantuar Temerario Spyder, versionin e ri kabriolet të supermakinës së saj, që kombinon performancën e lartë me një…