Humbja e aftësisë për të nuhatur që mund të shoqërojë koronavirusin është unike dhe e ndryshme nga ajo që përjetohet nga dikush që është ftohur, thonë studiuesit evropianë që kanë analizuar përvojat e pacientëve të infektuar.
Sic raporton “BBC”, kur pacientët Covid-19 humbasin aftësinë për të nuhatur, zakonisht nuk e kanë hundën të bllokuar. Shumica e njerëzve me koronavirus ende mund të marrin frymë lirshëm.
None found
Një tjetër gjë që i veçon është humbja “e vërtetë” e shijes.
Pacientët me koronavirus që nuk mund të shijojnë asgjë, me të vërtetë nuk mund të dallojnë nëse një ushqim është i ëmbël apo i hidhur.
Ekspertët dyshojnë se kjo ndodh për shkak se virusi pandemik ndikon në qelizat nervore të përfshira drejtpërdrejt tek nuhatja dhe ndjesia e shijes.
Simptomat kryesore të koronavirusit janë:
– temperaturë të lartë
– kollë e re, e vazhdueshme
– humbje e nuhatjes ose e aftësisë për të shijuar
Kushdo që ka këto simptoma duhet të izolohet dhe të bëjë testin për të parë nëse ka virusin. Pjesëtarët e familjes së tyre duhet të izolohen gjithashtu për të parandaluar përhapjen e mundshme.
Prof. Carl Philpott, nga Universiteti i Anglisë Lindore, kreu teste për aftësinë e nuhatjes dhe për atë të shijes tek 30 vullnetarë: 10 me Covid-19, 10 me ftohje të rende dhe 10 njerëz të shëndetshëm pa simptoma të ftohjes dhe gripit.
Humbja e nuhatjes ishte shumë më e madhe tek pacientët Covid-19. Ata ishin më pak të aftë të identifikonin aromat dhe nuk ishin në gjendje të dallonin shijet e hidhura ose të ëmbla fare.
Prof. Philpott tha: “Kjo është shumë emocionuese, sepse do të thotë që testet e aromës dhe shijes mund të përdoren për të bërë dallimin midis pacientëve Covid-19 dhe personave të ftohur ose me grip”.
Ai tha që njerëzit mund të testojnë nuhatjen dhe shijen në shtëpi duke përdorur produkte si kafe, hudhra, portokall ose limona dhe sheqer.
Aftësitë për të nuhatur dhe shijuar kthehen brenda disa javësh në shumicën e njerëzve që shërohen nga koronavirusi, shtoi ai.
Ditën e sotme (2 prill) në Korçë, trupi i një të moshuari është gjetur i pajetë. Burime policore thanë se…
Deputetja e Partisë Demokratike, Jorida Tabaku, ka akuzuar qeverinë se përmes Korporatës së Investimeve, ka ndërtuar një mekanizëm të drejtpërdrejtë…
Mbretëria e Bashkuar do të mbledhë 35 vende për të eksploruar mënyrat për të rihapur ngushticën e Hormuzit, rrugën jetësore…
Një situatë e “pazakontë” ka ndodhur këtë mbrëmje gjatë spektaklit të sotëm te Big Brother VIP Albania. Monika Kyemadhi është…
Ditën e sotme, kryetari i Partisë Demokratike, Sali Berisha, është i pranishëm në ceremoninë përkujtimore të 35-vjetorit të ngjarjes së…
Ferma VIP 3 ka nisur me shumë energji. Fermerët kanë filluar dinamikat e tyre dhe gjithë vëmendja është te ata.…