Eshtë zbardhur dëshmia e vajzës së të moshuarës P.Q, e cila u dhunua barbarisht në Palokastër të Gjirokastrës nga fqinji Kiço Xhavara që tashmë ka rënë në prangat e policisë. Ajo thotë se gjithcka ka nisur për çështje hasmërie pasi dy vite më parë, të moshuarës i vranë bashkëshortin për kullota.
“Dhimo, babai jonë kishte 20 kokë dhen të cilat nxituan dhe u futën në parcelën me grurë të Timo Xhavarës. Babai jonë me vrap vajti ti nxirrte. Aty pranë ishte një fshatar, i cili quhet Fane Kajtazi.
Ai lajmëroi të zotin e parcelës. Pas lajmërimit vjen gruaja me të birin godasin babanë tonë me mjete te forta dhe e lanë pa ndjenja. Fane Kajtazi i cili qe prezent lajmëroi Besnik Kenacin, lajmëro prokopin se Dhimon e vranë. Më pas u ngrit avash avash, vajti në shtëpi një muaj i sëmur dhe ushtrua në spital, atje ndërroi jetë”, sqaron vajza.
Ngjarja e rëndë ndodhi katër ditë më parë, rreth orës 23:00 në fshatin Palokaster. Policia ka dhënë detajet e para për ngjarjen duke njoftuar se ka vënë në pranga dhunuesin 66-vjecar.
“Në vijim të veprimeve për zbardhjen e ngjarjes së ndodhur në fshatin Palokastër, Gjirokastër, ku është dhunuar në banesën e saj shtetasja P. Q., u bë ekzekutimi i urdhërit të Prokurorisë Pranë Gjykatës së Shkallës së Parë Gjirokastër, për ndalimin e shtetasit K. Xh., 66 vjeç, banues në fshatin Palokastër, Gjieokastër.
Materialet hetimore i kaluan Prokurorisë Pranë Gjykatës së Shkallës së Parë Gjirokastër, për veprime të mëtejshme”, njofton policia.
E moshuara rrëfeu për Fax News se ka konflikte me dy familje po nga i njëjti fshat të cilët i kanë vrarë bashkëshortin para 3 vitesh dhe ashtu si e bija, dyshimin e ka tek ata. E moshuara ndodhet ende në spitalin Rajonal “Omer Nishani”, ku mbahet nën kujdesin e mjekëve.
“U hap dera parë. Sa u shtriva, hyri brenda dhe më goditi me grusht vët e vët e vet. Pastaj më zuri me shqelma aman i thash mos më vra fare se kam vajzën këtu dhe më trembet. Asgjë nuk ka vjedhur më sulmoi mua. Ndodhi nga ora 11 e darkës. Ne kemi hasmëri në fshat.”- u shpreh vajza. /Faxweb
Mbrëmjen e djeshme, është dhunuar TikTokerja Suada Muça, në Tiranë. Burime jozyrtare bëjnë me dije se ajo është sulmuar nga…
Në kuadër të një hetimi antidrogë që përfshin figura të njohura të botës së artit dhe mediave, Presidenti i Fenerbahçes,…
Presidenti Bajram Begaj, ka uruar besimtarët për Krishtlindje. Në mesazhin e tij, Begaj uron festa plot begati për besimtarët e…
Këtë të enjte, në një postim në rrjetet sociale, kryeministri i vendit Edi Rama, ka uruar besintarët e krishterë për…
Jemi në atë stinë të udhëtimeve të fundvitit, kur agjencitë turistike nxjerrin ofertat e fundit dhe aeroportet mbushen me valixhe…
Ditën e sotme dollari amerikan, në blerje do të këmbehet me 81.2 lekë, në shitje me 82.4 lekë. Euro, do…