Nuk tregoi të vërtetën, ish-gruaja e 71-vjeçarit mund të hetohet nga prokuroria

Pasditen e sotme u ekzekutua nga RENEA Lefter Zhidru, pasi prej më shumë se 5 orësh gjendej i armatosur në banesë dhe nuk pranonte të dorëzohej.

I moshuari, 71-vjec, qëlloi në mesditë mbi patrullën e policisë duke plagosur dy të rinj, kalimtarë.

Pas shumë orësh, negaciata të dështuara, RENEA ndërhyri në banesë ku u prit me breshëri plumbash ku dhe u ekzekutua viktima në fjalë.

Pak orë pas ngjarjes, mësohet se prokuroria mund të hetojë për këtë ngjarje të rëndë është ish-bashkëshorten e të moshuarit, Floresha Zhidru.

Bëhet me dije se ajo ka gënjyer policinë, duke iu thënë se bashkëshorti i saj nuk ishte i armatosur, ndërkohë që në banesën e të moshuarit u gjetën municione dhe tritol.

Ajo po merret në pyetje nga policia, ndërsa ndaj saj pritet të ngrihet akuza për “Moskallëzim krimi”.

Kush ishte 71-vjeçari, Lefter Zhidro?

Lefter Zhidro, i lindur dhe me familje ne njesine administrative Xarre në Bashkinë e Konispolit, në Sarandë është 71-vjeçari që po mban peng prej orës 13:30 qytetin e Elbasanit.

Zhidro rezulton i martuar dhe i divorcuar 3 herë si dhe ka tre fëmijë nga këto martesë.

Floresha, e cila ka bërë denoncimin sot e ka kërkuar ndihmë nga policia, pas një konflikti, është gruaja e tretë e tij, me të cilën prej kohësh rezulton i divorcuar.

Një djalë i tij jeton i vetëm, ndërsa një djalë tjetër i jeton në Norvegji. Gruaja e trete, Floresha ka vetëm një vajzë me të.

Reagimi i plotë i policisë mbi ngjarjen në fjalë:

Në vijim të informacionit të dhënë për sulmin me armë mbi forcën e posaçme “Shqiponjat” të DVP Elbasan, nga shtetasi Lefter Zhidru, 71 vjeç, ju informojmë se:

Pas 5 orë negociatash, fillimisht nga Policia Vendore e Elbasanit dhe më pas nga grupi negociator i Renas dhe i grupeve taktike të Reneas me shtetasin Lefter Zhidru, për t’u dorëzuar, ky shtetas nuk i është bindur në asnjë çast thirrjeve të Policisë për t’u dorëzuar, por ka reaguar me armë ndaj grupit negociator dhe grupeve taktike të Reneas që po negocionin me të.

Ndodhur në kushtet e mosbindjes për t’u dorëzuar, forcat speciale Renea kanë ngushtuar rrethimin e banesës ku ndodhej 71-vjeçari.

Shtetasi Lefter Zhidru, kur ka parë që forcat Renea po i afroheshin derës së banesës, ka hapur përsëri zjarr në drejtim të Policisë.

Në kushte të larta sigurie për jetën e punonjësve të Policisë, Renena i ka bërë përsëri thirrje për të hapur derën dhe t’i dorëzohej Policisë, por përsëri 71-vjeçari ka reaguar me armë dhe në këto kushte Renea ka shpërthyer derën për të hyrë në banesë.

Në momentin që forcat speciale Renea po ndërhynin në banesë 71-vjeçari ka sulmuar përsëri me breshëri plumbash Forcat Renea duke rrezikuar seriozisht jetën e tyre, por falë mburojës metalike kolektive nuk është lënduar ansjë punonjës i Reneas.

Në kushtet e vetëmbrojtjes forcat speciale Renea i janë kundërpërgjigjur më zjarr dhe gjatë shkëmbimit të zjarrit, 71-vjeçari ka mbetur i vrarë.

Grupi Hetimor, nën drejtimin e prokuroria, ndodhet në vendngjarje dhe në banesën e 71-vjeçarit ka gjetur dhe sekuestruar në cilësinë e provës materiale një armë zjarri kallashnikov, një sasi të konsiderueshme municioni luftarak dhe disa kallëpe me lëndë plasëse të montuara me kapsolla detonatore gati për shpërthim. /albeu.com/