Dritë jeshile në Itali, si u ul numri i viktimave sot

Vijon të bjerë numri i viktimave në Itali nga koronavirusi. Në 24 orët e fundit janë shënuar 433 viktima. Numri total i personave të vdekur shkon kështu në 23.660, ndërsa 178 972 është numri i personave të infektuar.

Në Lombardi në 24 orët e fundit ka pasur 855 infeksione dhe 163 vdekje. Në nivel kombëtar infeksionet e reja janë 3.047, sërish në rënie.

Mbi 2 mijë njerëz të shëruar, bie edhe numri i personave të shtruar në spital në kujdes intensiv: 98 më pak në ditë. Për Walter Ricciardi, eksponent i OBSH-së dhe këshilltar i Ministrit të Shëndetësisë, “është shumë herët për të filluar fazën 2”.

Detyrimi për të vendosur maskën kur del nga shtëpia në të gjitha komunat e Toscanas do të jetë përfundimtar që nga nesër, siç tregohet nga urdhëresa rajonale e 6 prillit. Nesër fillon detyrimi në Firence, Livorno dhe Massa. Sot hyri në fuqi në Pisa, Grosseto dhe Carrara, dhe ditët e fundit ajo ishte tashmë efektive në Prato, Pistoia, Lucca, Siena dhe Arezzo. Masa tashmë ka filluar në bashkitë më të vogla ku shpërndarja falas e maskave tek banorët tashmë kishte përfunduar.