Bashkia i kopjon idenë artistit britanik: Tabelat rrugore si ato në Firence!

Bashkia e Tiranës ka zgjedhur të përdorë idenë e artistit Clet Abraham, i njohur si Le Clet, për të krijuar tabelat rrugore me rastin e 100-vjetorit të Tiranës kryeqytet.

Ka qenë faqja “Exit.al“, ajo që ka vënë në dukje ngjashmërinë me veprat e artit të artistit që jeton dhe punon në Firence, Itali, me ato në Tiranë.

“Exit.al” shkruan se ka kontaktuar me studion e artistit për ta pyetur nëse i kishin dhënë leje Bashkisë së Tiranës të përdornin idenë e tij apo nëse ata kishin punuar me Bashkinë në këtë projekt.

“Fatkeqësisht ne nuk dinim gjë për këtë ‘surprizë’ në Tiranë. Ne menduam që bashkia do të ishte pak më e respektueshme për të drejtat e autorit”, ishte përgjigja e marrë.

Abraham ka lindur në Mbretërinë e Bashkuar në vitin 1966 dhe u arsimua për Arte në Rennes para se të transferohej në Itali në fillim të viteve 1990.

Ai është një piktor, skulptor dhe restaurues i njohur dhe i respektuar. /Exit.al