7 orë seancë, gjykata e shtyn nesër vendimin për të arrestuarit për tërmetin

Gjykata Tiranës ka vendosur të shtyjë për nesër verdiktin mbi personat e arrestuar në lidhje me përgjegjësinë e tyre në godinat e shkatërruara nga tërmeti.

Seanca ka zgjatur 7 orë dhe në përfundim të saj u vendos nga trupa gjykuese që vendimi për të ndaluarit të jepet nesër në orën 10:00.

Prokuroria nga ana tjetër kërkon që për 13 nga 29 të arrestuarit të mbahet masa e qëndrimit në burg, 5 të lirohen nën masën e detyrimit të paraqitjes, ndërsa 13 të tjerët (31 persona në total) të qëndrojnë në arrest shtëpie.

Në mesin e të arrestuarve ka ndërtues pallatesh, arkitektë, zyrtarë e ish zyrtarë të lartë, të cilët sipas prokurorisë kanë qenë përgjegjës direkt ose indirekt në shkatërrimin e një sërë godinave në zonat e Farkës, Vorës e Kasharit. Prokuroria ka argumentuar se shumë objekte që u shpallën të pabanueshme pas tërmetit, janë shkatërruar pikërisht për shkak të punimeve në mungesë të dukshme ligjore apo në raste të tjera, për shkak se në katet e para janë lejuar ndërtime që kanë dëmtuar ndjeshëm strukturën e pallateve.

Lista me emrat e personave që kanë dalë para gjykatës për masën e sigurisë

Shpëtim Kërçiku
Shefqet Doda
Gerti Çalliku
Luan Beta-Ish shef urbanistikës Vorë
Fatbardh Plaku-ish-kreu komunës Farkë
Naim Shehi
Hekri Disha
Merita Kushi
Bukurie Halili
Besnik Fuçia-Ish-kreu i komunës Kashar
Faik Fejzo
Ali Dyrmishi
Muhamed Felahi
Anila Harxhi, arkitekte
Stela Maze
Asqeri Xhanari
Pëllumb Fortuzi (ndërtues)
Reis Muça
Agim Eski
Qirjako Gjergo
Adhurim Qehajaj
Vjollca Hoxholli (ndërtuese)
Gëzim Shkalla
Joni Ikonomi
Ermir Çina
Ndoc Pepkola
Zhaneta Tagani
Hodo Gjoni
Artur Skela