Reagojnë djemtë e Tom Hanks: Çmenduri, nuk i kemi parë prindërit prej 3 javësh (FOTO LAJM)

Chet dhe Colins siguruan fansat se legjenda e Hollywood dhe bashkëshortja e tij janë në rregull,

Me anë të një video në Instagram, Chet tha se kishte folur në telefon me prindërit e tij të cilët ndodhen në një spital në Australi.

“Po është e vërtetë që prindërit e mi janë me koronavirus, Çmenduri. Ata shkuan të dy në Australi sepse babai im po xhironte një film atje. Unë fola në telefon me prindërit dhe të dy janë mirë. Nuk janë sëmurë dhe nuk shqetësohen rreth kësaj. Mendoj se nuk ka asgjë për tu shqetësuar. Vlerësoj shqetësimin e të gjithëve. Mendoj se gjithçka do të shkojë mirë. Të gjithë qëndroni të sigurt,”– tha ai.

Ndërsa djali i madh i çiftit, Colin falënderoi fansat në Twitter.

“U jemi mirënjohës për mbështetjen tuaj. Prindërit e mi po marrin kujdes shumë të mirë në Australi. Pavarësisht se jam në LA dhe nuk i kam parë prej 3 javësh kemi qenë në kontakt të vazhdueshëm dhe jam i sigurt që do rikuperohen plotësisht,”- u shpreh ai.

Tom Hanks njoftoi lajmin se është prekur nga pandemia të mërkurën në mbrëmje,

Ai dhe Wilson ishin në Australi për xhirimet e filmit për këngëtarin Elvis Presley kur morën koronavirusin.

Hanks do luajë rolin e menaxherit të Presley, Colonel Tom Parker. Ndërsa në rolin e këngëtarit është Austin Butler.