“Pallati mbretëror s’ka asgjë më shumë”, Madonna i ofron shtëpinë Meghan dhe Harryt (VIDEO)

Madonna ka një qëllim për momentin: Të marrë Meghan dhe Harry-n të jetojnë në shtëpinë e saj. Ylli i pop-it e konfirmoi vetë këtë përmes një videoje në llogarinë e saj të Instagram-it, kur thoshte se me shumë qejf do t’ja linte me qira Meghan-it dhe Harry-it apartamentin e saj në Neë York.

Siç e dini, çifti hoqi dorë nga detyrat mbretërore për të jetuar të pavarur mes Kanadasë dhe Anglisë, por Madonna i sugjeron një ide edhe më interesante. Zhvendosjen në zemër të Neë York-ut dhe specifikisht, shtëpinë e saj.

“Harry, mos shko në Kanada. Do mërzitesh aty. Do të të lë me qira apartamentin tim në Central Park West. Ka dy shtretër, ka dhe pamjen më të bukur nga Manhattan. Ka dhe një super ballkon! Pallati mbretëror s’ka asgjë më shumë se Central Park!”

Në përpjekje për t’i mbushur mendjen Meghan-it dhe Harry-it, këngëtarja bëri ca gafa, pas të cilave e ka të sigurt refuzimin e dyshes. Quajti Kanadanë vend të mërzitshëm dhe dukesha sigurisht s’ndan të njëjtin mendim me të.

Me siguri, postimi i Madonna-s ka qenë thjesht një shaka, por imagjinoni për një çast Madonna-n, princ Harry-n dhe Meghan-in duke bashkjetuar brenda një shtëpie. Ndërkohë që Meghan përpiqet të vërë në gjumë bebushin Archie, Madonna këndon “Like a Prayer”.

Kornizë e lezetshme për ne, por jo dhe aq për mbretëreshën!