“Nuk hoqe dorë kurrë”, këngëtarja i bën dedikimin romantik partnerit 7 vite më të vogël (FOTO LAJM)

Këngëtarja e njohur Nicole Scherzinger i ka bërë një dedikim romantik të dashurit, Thom Evans me rastin e ditëlindjes së saj.

Ajo ka publikuar në Instagram disa foto, ku çifti shfaqen bashkë dhe duken shumë të qeshur.

Ndër të tjera, Nicole e falenderon partnerin për gëzimin dhe dashurinë e madhe që i dhuron.

“Faleminderit Zotit për një vit tjetër rreth diellit. Për një ditë të re, frymë të freskët në mushkëri dhe zemra ime duke rrahur më fortë se kurrë, unë jam shumë mirënjohëse. Faleminderit për gëzimin dhe dashurinë e madhe që jam në gjendje ta marr sot nga familja, miqtë dhe shumë njerëz në mbarë botën.

Faleminderit që ishe aq i mirë për mua dhe që nuk hoqe dorë kurrë nga unë, më ke treguar kuptimin e vërtetë të dashurisë, lumturisë dhe paqes, dhe unë jam përjetësisht mirënjohës”, shkruan këngëtarja.

Këngëtarja e “Pussycat Doll”, e cila mbush 42 vite jetë, së pari u takua me Thom, 35 vjeç, kur u shfaq në “X Factor”, tetorin e kaluar dhe filloi lidhjen një muaj më pas.

Kohët e fundit, romanca e çifti është bërë edhe më serioze, pasi Nicole javën e kaluar u njoh me prindërit e partnerit, Biran dhe Sally, në Portugali.