Georgina: Cristiano është i vetmi që arrin të më “eksitojë” gjatë një ndeshjeje

Georgina Rogriguez duke folur për jetën e saj private nuk ka lënë pa thurur elozhe për CR7 i cili sipas sa është më i miri i të gjitha kohërave.

Georgina në mënyrë jo të drejtpërdrejtë vazhdon “thumbin” e saj për Messin duke thënë se Cristiano nuk ka asnjë rival në futboll.

“Cristiano është i vetmi, që arrin të më “eksitojë” gjatë një ndeshjeje. Unë kam fatin e mirë të jem shoqëruesja e futbollistit më të mirë të të gjitha kohërave. Ai nuk ka rivalë”.

Por, çfarë është normale sot për shoqëruesen e futbollistit më të famshëm në botë? “Ne kemi një jetë të privilegjuar, por vijmë nga familje të përulura. Kemi punuar shumë për të arritur këtu ku jemi. Ky është mësimi që duam t’ua transmetojmë fëmijëve tanë. Duam që ata të jenë luftëtarë, ashtu si ne. Sakrifica, disiplinimi, ndjenja e përgjegjësisë, ëndrrat, këmbëngulja dhe mirënjohja janë vlera që duam t’u përçojmë atyre çdo ditë”.

Partnerja e CR7 do të jetë bashkëdrejtuese e këtij eventi të madh të muzikës me Amadeus, në mbrëmjen e tretë. Ajo tregoi se çfarë e shtyu të pranonte këtë propozim: “Për mua, fëmijët janë gjëja më e rëndësishme. Unë jam një grua, një nënë, ndaj dua të punoj dhe të jem e pavarur. Nuk duhet të lë pas dore sferën time profesionale dhe më pëlqen të punoj në fushën artistike”.

“Unë jam një person i njohur, por ajo që dua me të vërtetë është të tregoj veten për atë që jam, për t’u zbuluar nga njerëzit dhe nuk ka vend më të mirë se Festivali i Sanremos. Për mua është kënaqësi dhe krenari që jam zgjedhur në mesin e protagonisteve femra”, tha Georgina Rodriguez, një nga fytyrat më të shumëpritura të festivalit të njohur italian, që starton më 4 shkurt.