Ditët e fundit mund të keni dëgjuar lajme të ndryshme se si vitamina C dhe D mund të parandalojnë apo luftojnë koronavirusin. Ndërkohë që këto pretendime nuk janë vërtetuar akoma nga shkenca, ekzistojnë prova të forta se vitaminat C dhe D ndikojnë në sistemin imunitar, duke e përmirësuar atë.
Përmirësimi dhe forcimi i sistemit imunitar mund të bëjë që të jeni më pak të rrezikuar nga sëmundje të ndryshme, përfshirë këtu edhe infeksionet e traktit respirator si gripi (influenza) dhe e ftohura e zakonshme.
None found
Vitamina C
Trupat tanë nuk prodhojnë vitaminë C, por ne kemi nevojë për këtë vitaminë për funksionin e sistemit imunitar, strukturën e kockave, përthithjen e hekurit dhe lëkurën e shëndetshme. Mund ta marrim vitaminën C nga dieta jonë ushqimore, zakonisht nga frutat si portokalli, mandarina, luleshtrydhet, bananet dhe në perimet me gjethe jeshile si spinaqi, lakra, lulelakra dhe brokoli. Sasia e rekomanduar ditore e vitaminës C është 90 mg në ditë për burrat dhe 75 mg në ditë për gratë.
Marrja e vitaminës C mund të reduktojë riskun për t’u prekur nga i ftohti i zakonshëm, sipas studimeve të publikuara deri tani. Nëse e merrni atë rregullisht mund të shkurtojë gjithashtu kohën që zgjat e ftohura, por nuk do të ndikojë te kjo kohë nëse vitamina C fillon të merret pas prekjes nga i ftohti.
Vitamina D
Vitamina D është një vitaminë e tretshme në yndyrë, e ndryshme nga të tjerat sepse burimi kryesor janë rrezet UV të diellit. Ndërsa burime të tjera përfshijnë suplementet, ushqimet e fortifikuara si drithërat e mëngjesit dhe lëngu i portokallit si dhe vezët, peshku ton, salmoni, qumështi, kosi, gjiza pa kripë etj.
Vitamina D luan një rol imuno – rregullues në organizëm, duke përmirësuar dhe zmadhuar imunitetin e lindur, duke rregulluar dhe shtuar përgjigjen dhe sekretimin e peptideve antimikrobiale, gjë që përmirëson mbrojtjen mukozale.
Për më tepër, studime të fundit kanë raportuar një efekt mbrojtës të vitaminës D nga infeksionet e traktit respirator (gripi, e ftohura e zakonshme, tuberkulozi etj.)
Ushtruesja e detyrës së Presidentit të Kosovës, Albulena Haxhiu, ka përkujtuar 7 shtatorin, datën kur më 1990 delegatët e Kuvendit…
Në Gjykatën Themelore në Prishtinë, në orën 09:30, mbahet seanca fillestare ndaj Fatmir Shehollit, ndaj të cilit Prokuroria Speciale e…
Kievi po përballet me numrin më të lartë të alarmeve ajrore ditore që prej nisjes së pushtimit të plotë rus…
Seria A ka pësuar ndryshimin e parë në pankinë dhe është padyshim një nga ata që mendohej më pak nga…
Në Kryegjyshatën Botërore Bektashiane, u mbajt Konferenca Jubilare “Traditë, besim, kulturë dhe vizion për të ardhmen”, me rastin e 35-vjetorit…
Sulmuesi Edon Zhegrova do ta ketë edhe një mundësi për ta dëshmuar vetën te Juventusi, pasi marrëveshja e mundshme për…