Ndryshoni monotoninë e mërzitshme të karantinës me këto 5 receta

Para jush pesë gatime të shkurtra, të freskëta që do ju nxjerrin nga monotonia e karantinës. E lëmë bukën me djathë në të kaluarën dhe mësojmë të sajojmë nja dy gjëra të lezetshme.

Makarona me salcë domatesh të gjalla

Në vaj ulliri, kaurdisni një hudhër të prerë hollë. Pastaj, fikni sobën dhe shtoni domate të prera imët dhe lëreni aty për 30 sekonda. Shtni një dorë borzilok, kripë dhe piper sipas dëshirës. Shtoni makarona e ziera paraprakisht dhe përfundojeni me pak vaj ulliri.

Granitë ananasi

Gjeni një ananas të pjekur (sigurohuni të jetë i pjekur) dhe qërojeni. Më pas vendoseni në ngrirje dhe lëreni aty gjatë natës. Të nesërmen grijeni si në foto dhe para jush keni granitë. Dekorojeni me mente te prerë hollë ose fleta borziloku. Shërbejeni në një gotë të gjatë akulloreje me creme fraiche sipër, ca kubikë ananasi të freksët dhe pakëz sheqer të spërkatur.

Koktejle

Në koktejl i lehtë për t’u bërë është gjithnjë zgjedhje e mirë. Sherry, verë port, vermuth, Campari, martini, me akull, shoqëruar me ujë tonik, pije me gaz, limonatë ose një miksim i të trejave. Dekoroni me ç’të keni pranë: një fetë portokalli ose limoni, mente ose rozmarinë.

Supë vegane me bajame

Merrni një grusht të majmë bajamesh dhe futini në blender. Grijini deri sa të kthehen në pastë dhe ngadalë shtoni ujë deri sa të kthehet në një supë të butë. Shtoni uthull Sherry, pak hudhër të shtypur, pak vaj ulliri dhe pak kripë. Vendoseni nëpër tasa dhe sipër dekorojeni me fruta të freskëta si qershi, rrush ose pjepër të ftohtë.

Lassi me ujë trëndafili

Ky gatim indian konsiston në miksimin e kosit pa yndyrë me qumësht soje, në masa të barabarta. Shtoni ujë trëndafili, gonxhe të gjelbërta kardamomi, lëng shege, pak kripë dhe sheqer.