Tragjedia në Kumanovë: Sela ngushëllon familjarët e viktimave

Kryetari i ASH-së, Ziadin Sela iu ka shprehur ngushëllime familjarëve të tre fëmijëve që kanë humbur jetën pas shpërthimit të një bombole të gazit në fshatin Rramanlli të Kumanovës, përcjell TS.

“Tre fëmijët që nuk i patën borgj askujt por, sot fatkeqësisht humbën jetën në mënyrë tragjike, më trishton aq shumë sa nuk mund të gjej dot fjalët ngushëlluese për familjarët. Është jashtë mase e dhimbshme kur kupton se jeta e vështirë dhe kushtet ekonomike çdo ditë rrezikojnë jetën e dikujt.. Sa do që të shpreh ngushëllimet e mia më të sinqerta e di që është pak, sepse asnjë familje nuk meriton një fat të tillë! Me shpirt dhe me zemër jam me ju, duke u lutur për ata që humbën jetën dhe për shërim sa më të shpejtë për të lënduarit tjerë nga kjo tragjedi!” shkruan Sela

Nga kjo ngjarja tragjike edhe shtatë persona mbeten të lënduar.

/TS/